រាជធានីភ្នំពេញ ៖ នារីរកស៊ីផ្លូវភេទម្នាក់ ដែលចេញហៅម៉ូយ តាមផ្លូវទំនប់លេខ៧០ ឃើញឳកាលល្អ បានធ្វើសកម្មភាព ឆក់ខ្សែកអ្នកដំណើរ តែរត់មិនរួចក៏ត្រូវ ជនរងគ្រោះឃាត់ខ្លួន យកមកប្រគល់ឲ្យសមត្ថកិច្ច កាលពីវេលាម៉ោង ១១និង៣០ នាទីយប់ ថ្ងៃទី១៩ ខែវិច្ឆិកា ឆ្នាំ២០១៣ នៅចំណុចផ្លូវលេខ៧០ ក្រុមទី៩ ភូមិទួលសង្កែ សង្កាត់ទួលសង្កែ ខណ្ឌឬស្សីកែវ។
ជនសង្ស័យមានឈ្មោះ ជា ដា អាយុ ៣១ឆ្នាំ ប្រកបរបររកស៊ីផ្លូវភេទ ស្នាក់នៅបន្ទប់ជួល នៅសង្កាត់បឹងកក់ទី១ ខណ្ឌទួលគោក រីឯជនរងគ្រោះមានឈ្មោះ ឃីម តូច ភេទប្រុស អាយុ ២៧ ឆ្នាំ មុខរបរនិស្សិត មានទីលំនៅ ក្នុងភូមិរើលក្រោម ឃុំដូនតី ស្រុកពញាក្រែក ខេត្តកំពង់ចាម បាត់បង់ខ្សែកប្លាទីនមួយខ្សែទម្ងន់ ០៣ ជី និងបន្តោងមាសស្រោបធ្មេញមួយ។ មុនពេលកើតហេតុជនរងគ្រោះ បានជិះម៉ូតូឌុបមិត្តភក្តិ តាមផ្លូវលេខ៧០ ស្រាប់តែលេចមុខ ជនសង្ស័យ ០២-០៣ នាក់ មកឈរហៅភ្ញៀវ។
ដោយឃើញជនរងគ្រោះ ពាក់ខ្សែក ក្រុមជនសង្ស័យបាន ធ្វើសកម្មភាពឆក់ខ្សែក ពីជនរងគ្រោះបានសម្រេច ហើយហុចបន្តទៅឲ្យ បក្ខពួកម្នាក់ទៀត យកគេចខ្លួនបាត់ស្រមោល។ តែជនសង្ស័យជាអ្នកឆក់ រត់គេចមិនទាន់ត្រូវបានជនរងគ្រោះ ដេញចាប់បាននាំទៅប្រគល់ ឲ្យសមត្ថកិច្ចប៉ុស្តិ៍ទួលសង្កែ ដើម្បីកសាងសំណុំរឿង បញ្ជូនទៅតុលាការ៕
Source from: watphnom-news.com
Loading...
Post a Comment