ខេត្តព្រះសីហនុ៖ស្ត្រីជនជាតិចិនជាភ្ញៀវទេសចរអាយុ៧៧ឆ្នាំដែលមកកំសាន្តនៅក្រុងព្រះសីហនុបានស្លាប់ខណៈដែលកំពុងឆ្ពុងនៅបន្ទប់ស្ទីមខេត្តព្រះសីហនុ ៖ ស្ត្រីជនជាតិចិនជាភ្ញៀវទេសចរ អាយុ ៧៧ឆ្នាំ ដែលមកកំសាន្តនៅក្រុងព្រះសីហនុ បានស្លាប់ខណៈដែលកំពុងឆ្ពុង នៅបន្ទប់ស្ទីម ក្នុងសណ្ឋាគារសុខា ក្រុងព្រះសីហនុ កាលពីវេលាម៉ោង ០៩និង៣០ នាទីព្រឹកថ្ងៃទី០៣ ខែវិច្ឆិកា ឆ្នាំ២០១៣ ហើយមិនទាន់មានប្រភពណាមួយ អះអាងបញ្ជាក់ថា ជនរងគ្រោះស្លាប់ដោយសារ មូលហេតុអ្វីពិតប្រាកដនោះទេ។
ជនរងគ្រោះមានឈ្មោះ DONG WEI CUI ភេទស្រី មានស្រុកកំណើតនៅខេត្ត HU BEI ភាគខាងជើងប្រទេសចិន ជាប់នឹងប្រទេស ម៉ុងហ្គោលី ។ ជនរងគ្រោះកាន់លិខិតឆ្លងដែនលេខ E15588659 និងមានទិដ្ឋាការលេខ TF03619653 ចុះថ្ងៃទី២៥ ខែតុលា ឆ្នាំ២០១៣ ផុតកំណត់ថ្ងៃទី២៥ ខែមករា ឆ្នាំ២០១៤ ចូលមកកំសាន្តនៅប្រទេសកម្ពុជា ជាលក្ខណៈក្រុមគ្រួសារ ដោយមានប្តីនិងកូនៗ។
សពជនរងគ្រោះត្រូវបានបញ្ជូនចេញ ពីសណ្ឋាគារសុខា ទៅកាន់មន្ទីរពេទ្យបង្អែកខេត្តព្រះសីហនុ ហើយគ្រូពេទ្យបានបញ្ជាក់ថា មន្ទីរពេទ្យព្យាបាលតែអ្នកជំងឺ ដែលនៅរស់ទេ ដោយឡែកជនរងគ្រោះ បានស្លាប់ មុនពេលដែលបញ្ជូនមកដល់មន្ទីរពេទ្យ។ ដោយឡែកប្តីរបស់ស្ត្រីរងគ្រោះ បានប្រាប់ថា ជនរងគ្រោះធ្លាប់មានប្រវត្តិជំងឺបេះដូង ហើយនៅតែប្រើប្រាស់ថ្នាំ បេះដូងជារៀងរាល់ថ្ងៃ ។ ដូចនេះគេមិនទាន់ដឹងថា ស្ត្រីរងគ្រោះនេះស្លាប់ ដោយប្រភេទ រោគបេះដូង អ្វីពិតប្រាកដនៅឡើយទេ៕
Source from: watphnom-news.com
Loading...
Post a Comment