ក្រុងប៉ោយប៉ែត៖ស្ត្រីវ័យចំណាស់ម្នាក់ត្រូវជនសង្ស័យលួចឆក់យកកាបូបលុយខណៈដែលគាត់និងក្រុមគ្រួសារបានទៅដើរលេងកម្សាន្តយ៉ាងសប្បាយកាលពីវេលាម៉ោង ក្រុងប៉ោយប៉ែត ៖ ស្ត្រីវ័យចំណាស់ម្នាក់ ត្រូវជនសង្ស័យលួចឆក់ យកកាបូបលុយ ខណៈដែលគាត់និងក្រុមគ្រួសារ បានទៅដើរលេងកម្សាន្តយ៉ាងសប្បាយ កាលពីវេលាម៉ោង ១១និង៣០ នាទីយប់ថ្ងៃទី២០ ខែវិច្ឆិកា ឆ្នាំ២០១៣ នៅក្នុងបរិវេណកាស៊ីណូផ្កាយប្រាំ ស្ថិតនៅភូមិក្បាលស្ពាន សង្កាត់-ក្រុងប៉ោយប៉ែត ខេត្តបន្ទាយមានជ័យ បង្កអោយមានការភ្ញាក់ផ្អើល ហើយភ្លាមៗនោះប្រជាពលរដ្ឋបាននាំគ្នា ដេញចាប់ចោរឆក់កាបូប តែដេញមិនទាន់ ក៏ត្រូវបានកម្លាំងអាវុធហត្ថ ប្រចាំនៅទីនោះដេញប្រមាញ់ ចាប់បានយកមកសួរនាំ។
ជនសង្ស័យមានឈ្មោះ ទេព វិចិត្រ ភេទ ប្រុស អាយុ ៣០ ឆ្នាំ មានជំនាញខាងលួច និងគាស់ផ្ទះ រស់នៅភូមអូរឬស្សីលើ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ស្ត្រីរងគ្រោះមានឈ្មោះ ហេង ធូ ភេទស្រី អាយុ ៥៨ឆ្នាំ មានមុខរបរជាអាជីករ លក់ដូរ រស់នៅភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ។ បើតាមសំដីស្ត្រីរងគ្រោះ បានអោយដឹងថា គាត់សប្បាយចិត្តណាស់ ដែលសមត្ថកិច្ចតាម ចាប់ជនសង្ស័យបាន និងប្រគល់ទ្រព្យសម្បត្តិ ជូនគាត់វិញទាំងអស់ គ្មានការបាត់បង់អ្វីនោះទេ។
លោក ហម ម៉ុតមេបញ្ជាការអាវុធហត្ថ ក្រុងប៉ោយប៉ែត បានអោយដឹងនៅរសៀលថ្ងៃទី២១ ខែវិច្ឆិកា នេះថា ក្រោយពីឃាត់ខ្លួនជនជនសង្ស័យ និងដកហូតវត្ថុតាង បានទាំងអស់រួចមក ជនសង្ស័យបានសារ ភាពថា ខ្លួនបានធ្វើសកម្មភាព លួចឆក់កាបូបស្ត្រីរងគ្រោះពិតប្រាកដមែន។ នៅក្នុងកាបូបលុយស្ពាយមួយនោះ មានប្រាក់ ១៥ម៉ឺនរៀល ខ្សែក ប្លាកទីន ១ខ្សែ និងខ្សែដៃសុខភាព ១ ខ្សែផងដែរ។ជនសង្ស័យត្រូវបានឃាត់ខ្លួន និងបញ្ជូនទៅកាន់ បញ្ជាការដ្ឋានអាវុធហត្ថ ខេត្តបន្ទាយមានជ័យ ដើម្បីចាត់ការតាមនីតិវិធី៕
Source from: watphnom-news.com
Loading...
Post a Comment