ខេត្តកំពត៖សាកសពបុរសម្នាក់ដែលត្រូវឃាតកកាប់ដាច់ក្បាលចេញពីស្មាត្រូវបានសាច់ញាតិប្រទះឃើញនៅកណ្តាលវាលស្រែបង្កឲ្យមានការភ្ញាក់ផ្អើល ខេត្តកំពត ៖ សាកសពបុរសម្នាក់ ដែលត្រូវឃាតកកាប់ ដាច់ក្បាលចេញពីស្មា ត្រូវបានសាច់ញាតិ ប្រទះឃើញនៅកណ្តាលវាលស្រែ បង្កឲ្យមានការភ្ញាក់ផ្អើល កាលពីវេលាម៉ោង ១០ យប់ថ្ងៃទី២១ ខែវិច្ឆិកា ឆ្នាំ២០១៣ ក្នុងភូមិកោះចម្ការ ឃុំបឹងសាលាខាងត្បូង ស្រុកកំពង់ត្រាច ខេត្តកំពត ដែលមកដល់ពេលនេះ មិនទាន់រកឃើញក្បាលនៅឡើយទេ។
សាច់ញាតិបានប្រាប់ថា ជនរងគ្រោះមានឈ្មោះ យុង ហាន អាយុ ៤៨ឆ្នាំ ទីលំនៅភូមិឃុំកើតហេតុខាងលើ តែងទៅរាយសន្ទូច នៅចំណុចកើតហេតុនោះ ហើយជាធម្មតាជនរងគ្រោះ បានចេញទៅនៅពេលព្រលប់ ហើយត្រឡប់ចូលផ្ទះវិញ នៅម៉ោងប្រមាណ ៨ យប់ជាទៀងទាត់។ នៅយប់កើតហេតុ បាត់ជនរងគ្រោះមិនឃើញទៅផ្ទះទេ រហូតដល់ម៉ោង ១០ យប់ ក្រុមគ្រួសារបានតាមរក ហើយក៏ប្រទះឃើញជនរងគ្រោះ ដេកស្លាប់ទៅហើយ ដោយសាកសព ត្រូវគេកាប់ដាច់ក្បាលបាត់តែម្តង៕
Source from: watphnom-news.com
Loading...
Post a Comment