ប្រទេសរុស្ស៊ី៖យ៉ាងហោចណាស់មនុស្ស៥០នាក់បានស្លាប់ដោយសារយន្ដហោះដឹកអ្នកដំណើរមួយគ្រឿងបានដាំក្បាលបុកផ្លូវចុះចតនៅក្នុងអាកាសយានដ្ឋានទីក្រុងប្រទេសរុស្ស៊ី ៖ យ៉ាងហោចណាស់មនុស្ស ៥០ នាក់បានស្លាប់ដោយសារយន្ដហោះ ដឹកអ្នកដំណើរមួយគ្រឿង បានដាំក្បាលបុកផ្លូវចុះចត នៅក្នុងអាកាសយានដ្ឋានទីក្រុង Kazan សាធារណរដ្ឋ Tatarstan ក្នុងប្រទេសរុស្ស៊ី ហើយក្នុងចំណោមជនរងគ្រោះមានទាំងកូនប្រុសរបស់ប្រធានាធិបតី Tatastan និងមន្ដ្រីសន្ដិសុខជាតិ មួយរូបទៀតផង ហើយសាច់ញាតិជនរងគ្រោះ នឹងទទួលសំណងប្រមាណ១៦.៣៦០ ដុល្លារ ពីក្រុមហ៊ុនធានារ៉ាប់រង។
លោក Irina rossius អ្នកនាំពាក្យក្រសួង គ្រប់គ្រងភាពអាសន្នរុស្ស៊ីបានឱ្យដឹងថា សោកនាដកម្មនៃការធ្លាក់យន្តហោះ ពេលកំពុងចុះចតនេះ កើតឡើងនៅវេលាម៉ោង ១៩និង ៣០ នាទី ថ្ងៃទី១៧ វិច្ឆិកា ពេលដែលយន្ដហោះ Buing 737 របស់ក្រុមហ៊ុនអាកាសចរណ៍ Tatastan ដឹកអ្នកដំណើរ ៤៤នាក់ និងក្រុមអាកាសយានិក ៦ នាក់ ហោះហើរចេញពីទីក្រុងមូស្គូ ក៏ស្រាប់តែធ្លាក់ផ្ទុះឆេះពេលព្យាយាមចុះចត ក្នុងអាកាសយានដ្ឋានទីក្រុង Kasan ។
តំណាងក្រុមហ៊ុន អាកាសចរណ៍បានឱ្យដឹងថា អាកាសយានិកបានព្យាយាម ចុះចតជាលើកទី២ ប៉ុន្ដែមិនបានសម្រេច ទើបបណ្ដាលឱ្យកើតមាន សោកនាដកម្មខាងលើនេះ ហើយមូលហេតុមួយចំនួនទៀត គឺដោយសារតែមានខ្យល់ខ្លាំង ពេលចុះចតផងដែរ ។ ក្នុងហេតុការណ៍នេះ ក្រុមជួយសង្គ្រោះបានរក ឃើញ សាកសពជនរងគ្រោះទាំង ៥០ នាក់ ចំណែកប្រអប់ខ្មៅ នៅមិនទាន់រកឃើញនៅឡើយ ។
ប៉ូលិសបានឱ្យដឹងថា កំហុសនៃការធ្លាក់យន្តហោះនេះ ក៏បណ្ដាលមកពីអាកាសយានិក ហើយធុងផ្ទុកឧស្ម័នរបស់យន្ដហោះ បានផ្ទុះពេលព្យាយាមចុះចត ជាច្រើនលើក ។ អាកាសធាតុ និងបញ្ហាបច្ចេកទេស ជាមូលហេតុឱ្យមាន សោកនាដកម្មផងដែរ ។ ប្រធានាធិបតីរុ ស្ស៊ី វ្លាឌីមៀ ពូទីន បានស្នើដល់រដ្ឋាភិបាលបង្កើតគណៈកម្មា ធិការស្រាវជ្រាវករណីគ្រោះថ្នាក់ខាងលើ ហើយលោកក៏បាន រំលែកទុក្ខដល់គ្រួសារ ជនរងគ្រោះផងដែរ៕
Source from: watphnom-news.com
Loading...
Post a Comment