ខេត្តកណ្តាល៖រថយន្តរែងរ៉ូវ័រដ៏ទំនើបមួយគ្រឿងបើកបរដោយកូនប្រុសថៅកែហាងនំប៉័ងបាយ័នដែលស្រវឹងជោកជាំបានជ្រុលទៅបុកម៉ូតូទាំងកំរោលខេត្តកណ្តាល ៖ រថយន្តរែងរ៉ូវ័រ ដ៏ទំនើបមួយគ្រឿង បើកបរដោយកូនប្រុសថៅកែហាង នំប៉័ងបាយ័ន ដែលស្រវឹងជោកជាំ បានជ្រុលទៅបុកម៉ូតូទាំងកំរោល កាលពីវេលាម៉ោង ២១និង៣០ នាទីយប់ថ្ងៃទី១៨ ខែវិច្ឆិកា ឆ្នាំ២០១៣ ស្ថិតនៅតាមបណ្តោយផ្លូវជាតិលេខ២ ក្នុងភូមិព្រែកឬស្សី សង្កាត់ព្រែកឬស្សី ក្រុងតាខ្មៅ ខេត្តកណ្តាល បណ្តាលឲ្យយុវជនម្នាក់បានស្លាប់ភ្លាមៗ នៅនឹងកន្លែងកើតហេតុ និងនារីជាអ្នក រួមដំណើរម្នាក់ទៀត បានស្លាប់បន្ទាប់ពីបញ្ជូន ដល់មន្ទីរពេទ្យរុស្ស៊ី ។
ជនរងគ្រោះដែលស្លាប់រួមមានឈ្មោះ ជួន រិទ្ធ ភេទប្រុស អាយុ ២៦ ឆ្នាំរស់នៅភូមិព្រែកហូរកើត សង្កាត់ព្រែកហូរ ក្រុងតាខ្មៅ បានស្លាប់ភ្លាមៗនៅនឹងកន្លែង និងអ្នករួមដំណើរមានឈ្មោះ សុខ ដានី ភេទ ស្រី អាយុ ២២ ឆ្នាំរស់នៅភូមិមួយ ឃុំខ្ពបអាទាវ ស្រុកលើដែក ខេត្តកណ្តាល បានស្លាប់បន្ទាប់ពីបញ្ជូនទៅដល់ មន្ទីរពេទ្យរុស្ស៊ី។ អ្នកទាំងពីរជិះម៉ូតូមួយគ្រឿង ម៉ាកហុងដាសេ៩០ ពណ៌ខៀវ ពាក់ស្លាកលេខ គ ០០៥១ គច១ រីឯរថយន្តបង្កហេតុ ម៉ាករ៉ែងរ៉ូវ័រ ពណ៌ខ្មៅ ពាក់ស្លាកលេខភ្នំពេញ 2w-1119 បើកដោយឈ្មោះ ឈន ទីតូ ភេទប្រុសអាយុ ២២ ឆ្នាំរស់នៅសង្កាត់មានជ័យ ខណ្ឌមានជ័យ រាជធានីភ្នំពេញ។
នគរបាលបានបន្តទៀតថា មុនពេលកើតហេតុ គេឃើញជនរងគ្រោះ ទាំងពីរនាក់ជិះម៉ូតូមួយគ្រឿង ឌុប គ្នាក្នុងទិសដៅពីត្បូងទៅជើង លុះដល់ចំណុចកើតហេតុ ស្រាប់តែរថយន្តបង្ក ដែលបើកបរច្រាសទិសគ្នា បាន ជ្រុកចង្កូតទៅបុកយ៉ាងពេញទំហឹង បណ្តាលឲ្យជនរងគ្រោះម្នាក់ ស្លាប់ភ្លាមៗនៅនឹងកន្លែង រីឯអ្នករួមដំណើរជាមួយរងរបួសធ្ងន់ ត្រូវបានរថយន្តសង្គ្រោះ ដឹកបញ្ជូនទៅកាន់គ្លីនិកចាក់អង្រែ។ តែដោយសារស្ថានភាពធ្ងន់ពេក ត្រូវបានរថយន្តសង្គ្រោះ ដឹកបន្តទៅកាន់មន្ទីរពេទ្យរុស្ស៊ី ដើម្បីជួយសង្គ្រោះអាយុជីវិត ប៉ុន្តែជាអកុសល នាងបានស្លាប់បន្ទាប់ពី បញ្ជូនទៅដល់មន្ទីរពេទ្យ ។
រីឯអ្នកបើកបររថយន្ត រួមទាំងវត្ថុតាង ត្រូវបាននគរបាល បញ្ជូនមកកាន់អធិការដ្ឋាន ក្រុងតាខ្មៅ ដើម្បីកសាងសំណុំរឿង បញ្ជូនទៅកាន់ស្នងការដ្ឋាននគរបាលខេត្ត ចាត់ការបន្តតាមនីតិវិធី ។ ប្រភពបានបង្ហើបឲ្យដឹងផងដែរថា អ្នកបើកបររថយន្តបង្ក គឺជាកូនថៅកែ កូនថៅកែហាង នំបុ័ងបាយ័ន នៅសង្កាត់ស្ទឹងមានជ័យ ហើយទំនងជាស្រវឹងស្រា ទើបបានជាបើករថយន្ត ទៅបុកជនរងគ្រោះទាំងកំរោលតែម្តង ព្រោះជនរងគ្រោះបើកប្រកាន់ស្តាំដៃ យ៉ាងត្រឹមត្រូវនិងពាក់មួក សុវត្ថិភាពរផងដែរ ៕ ដោយ ព្រះច័ន្ទ
Source from: watphnom-news.com
Loading...
Post a Comment