ប្រទេសចិន៖លោកPanChangwuបានប្រព្រឹត្តអំពើផិតក្បត់ប្រពន្ធដោយលួចលាក់ទៅមានស្រីខាងក្រៅដែលនាំឲ្យប៉ះពាល់ដល់សង្គមនោះប្រទេសចិន ៖ លោក Pan Changwu បានប្រព្រឹត្តអំពើផិតក្បត់ប្រពន្ធ ដោយលួចលាក់ទៅមានស្រីខាងក្រៅ ដែលនាំឲ្យប៉ះពាល់ដល់សង្គមនោះ ត្រូវបានបណ្តេញចេញពីមុខតំណែង ដោយនាយកដ្ឋានឃោសនា គណៈកម្មាធិការខណ្ឌ Lanshan បន្ទាប់ពីការស៊ើបអង្កេតដឹងថា លោក Pan Changwu បានលួចលាក់មានសាហាយស្មន់ ដូចសេចក្តីរាយការណ៍ ពីភរិយារបស់គាត់។
នារីជាស្ត្រីកំណាន់ និងនាយកការិយាល័យ ព្រៃឈើខណ្ឌ Lanshan, Pan Changwu បានមានទំនាក់ទំនងផ្លូវភេទ ដោយខុសច្បាប់ជាមួយគ្នា អស់រយៈពេលយូរមកហើយ។ នាងក៏បានបង្ហោះរូបថតស្និទ្ធស្នាល ជាមួយលោក Pan Changwu ជាច្រើនសន្លឹក នៅលើបណ្តាញសង្គម ក៏ដូចជាកំណត់ត្រាសារ ទំនាក់ទំនងសាសង ណាត់ជួបគ្នាជាច្រើនទៀត។
តាមរយៈការស៊ើបអង្កេត របស់គណៈកម្មការ អធិការកិច្ចខណ្ឌ បានពិចារណា និងសម្រេចដកហូតតំណែង របស់លោក Pan Changwu ជាអនុលេខាធិការ និងជាសមាជិក នៃគណៈកម្មាធិការបក្ស ការិយាល័យព្រៃឈើខណ្ឌ, ក៏ដូចជាស្នងការនយោបាយនៃការិយាល័យសន្តិសុខសាធារណៈ ព្រៃឈើខណ្ឌនេះតែម្តង ។
ប្រសិនបើគិតទៅតាមនីតិវិធីច្បាប់ ករណីនេះក៏ត្រូវបានស្នើ ទៅកាន់គណៈកម្មាធិការ អចិន្ត្រៃយ៍សមាជប្រជាជនថា លោក Pan Changwu ត្រូវបានដកចេញ ពីមុខតំណែងរបស់គាត់ ជាប្រធានការិយាល័យ ព្រៃឈើខណ្ឌជាផ្លូវការណ៍ ។ នាយកដ្ឋានឃោសនា គណៈកម្មាធិការខណ្ឌ Lanshan អះអាងថា នៅដើមខែកញ្ញាឆ្នាំនេះ គណៈកម្មការអធិការកិច្ចវិន័យខណ្ឌ បានទទួលនូវឈ្មោះពិតមួយ រាយការណ៍ពីកម្មករស្រីឈ្មោះ Tang X មកពីក្រុមហ៊ុនទឹកស្អាតមួយ និយាយក្នុងសេចក្តីលម្អិតថា នាងនិង Pan Changwu បានក្បត់ចិត្តប្តីឬប្រពន្ធជាមួយគ្នា ។
បន្ទាប់មកគណៈកម្មការ អធិការកិច្ចវិន័យខណ្ឌ ក៏បានបើកការស៊ើបអង្កេត ដោយបានរកឃើញថា លោក Pan Changwu ពិតជាបានប្រព្រឹត្ត អំពើផិតក្បត់ប្រពន្ធ ទៅមានស្ត្រីខាងក្រៅប្រាកដមែន ។ ដូច្នេះពួកគេត្រូវផ្តល់ ការដាក់ទណ្ឌកម្ម ព្រមានធ្ងន់ធ្ងរនៅក្នុងសួន កាលពីថ្ងៃទី២៣ ខែតុលា និងសម្រេចដេញចេញពីមុខតំណែង ដែលជាប់ពាក់ព័ន្ធ ទាំងអស់របស់គាត់ ដើម្បីជាការព្រមាន មន្ត្រីដទៃទៀត កុំឲ្យយកគំរូតាម៕
Source from: watphnom-news.com
Loading...
Post a Comment