រាជធានីភ្នំពេញ៖កម្លាំងនគរបាលនាយកដ្ឋានចារកម្មនៃក្រសួងមហាផ្ទៃដឹកនាំដោយតំណាងអយ្យការអមសាលាដំបូងរាជធានីភ្នំពេញរាជធានីភ្នំពេញ ៖ កម្លាំងនគរបាល នាយកដ្ឋានចារកម្ម នៃក្រសួងមហាផ្ទៃ ដឹកនាំដោយតំណាង អយ្យការអមសាលាដំបូង រាជធានីភ្នំពេញ សហការជាមួយ សមត្ថកិច្ចមូលដ្ឋាន កាលពីរសៀល ថ្ងៃទី១៦ ខែវិច្ឆិកា ឆ្នាំ២០១៣ បានចុះទៅបង្ក្រាប និងធ្វើការឆែកឆេរផ្ទះមេខ្លោង ពីរនាក់ប្តីប្រពន្ធ ស្ថិតនៅភូមិប៉ប្រកខាងត្បូង សង្កាត់កាកាប ខណ្ឌពោធិ៍សែនជ័យ ជាប់ពាក់ព័ន្ធនិងអំពើ ជួញដូរស្ត្រីក្រមុំ ជនជាតិខ្មែរ ទៅកាន់ប្រទេសចិន ដើម្បីលក់ឲ្យបុរជនជាតិចិន យកទៅរៀបការ ធ្វើជាប្រពន្ធ ។
ជនសង្ស័យពីរនាក់ ប្តីប្រពន្ធ និងបក្ខពួករបស់គេ ធ្លាប់បាននាំនារីក្រមុំ ទៅលក់ឲ្យបុរសជនជាតិចិន មិនតិចជាង ២០០ នាក់នោះទេ រហូតដល់ពេលបច្ចុប្បន្ននេះ ដែលចាញ់បោក ហើយត្រូវនាំ ទៅកាន់ប្រទេសចិន ។ ក្នុងប្រតិបត្តិការ ខាងលើនេះ សមត្ថកិច្ចមិនបាន ឃាត់ខ្លួនជនសង្ស័យ ណាម្នាក់នោះឡើយ ដោយសារពួកគេ បានរត់គេចខ្លួនបាត់អស់ ។ ប៉ុន្តែសមត្ថកិច្ចមានភស្តុតាង យ៉ាងច្បាស់លាស់ ដើម្បីបំបែកសំណុំរឿងដ៏ធំមួយនេះ កុំឲ្យនារីខ្មែរបន្តចាញ់បោក ក្រុមមេខ្លោងជួញដូរមនុស្ស ទាំងនេះទៀត៕
Source from: watphnom-news.com
Loading...
Post a Comment