រាជធានីភ្នំពេញ៖ដោយសារតែបើកម៉ូតូលឿនពេកទាក់ដៃចង្កូតជាមួយម៉ូតូសណ្តោងរ៉ឺម៉កបណ្តាលឲ្យបុរសម្នាក់រងរបួសធ្ងន់និង៣នាក់ទៀតរងរបួសស្រាលរាជធានីភ្នំពេញ ៖ ដោយសារតែបើកម៉ូតូ លឿនពេកទាក់ដៃចង្កូត ជាមួយម៉ូតូសណ្តោងរ៉ឺម៉ក បណ្តាលឲ្យបុរសម្នាក់រងរបួសធ្ងន់ និង៣នាក់ទៀត រងរបួសស្រាល កាលពីវេលាម៉ោង ៩និង៣០ នាទីយប់ថ្ងៃទី២៤ ខែវិច្ឆិកា ឆ្នាំ២០១៣ តាមបណ្តោយ ផ្លូវជាតិលេខ៤ មុខវិទ្យាល័យជម្ពូវ័ន ភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ហើយភាគីម្ខាងទៀតដែលរងរបួសស្រាល បានលើកម៉ូតូជិះគេចខ្លួន បាត់ស្រមោល។
សាក្សីបានឲ្យដឹងថា ម៉ូតូមួយគ្រឿងម៉ាកស៊ីធីផ្លើស គ្មានស្លាកលេខ សណ្តោងរ៉ឺម៉កជិះគ្នា ៣នាក់ក្នុងស្ថានភាពស្រវឹងជោកជាំ ពេលមកដល់ចំណុច កើតហេតុស្រាប់តែមាន ម៉ូតូមួយគ្រឿងទៀត ជិះម្នាក់ឯង ម៉ាកសេ១២៥ ពណ៌ខ្មៅ មិនចាំស្លាកលេខ អ្នកបើកបរមិនស្គាល់អត្តសញ្ញាណ បើកស្របទិសគ្នា គេចមិនទាន់ជ្រុល ទៅទាក់ដៃចង្កូតដួល បណ្តាលឲ្យអ្នកបើកបរម៉ូតូសណ្តោងរ៉ឺម៉ក បោកអូសនឹងថ្នល់ជិត ១០ម៉ែត្រ សន្លប់បាត់ស្មារតីនិង ៣នាក់ទៀត របួសស្រាល រីឯអ្នកបើកបរម៉ូតូសេ១២៥ បានលើកម៉ូតូជិះគេចខ្លួន បាត់ស្រមោលតែម្តង។
អ្នកបើកបររ៉ឺម៉កម៉ូតូ មិនទាន់បានស្គាល់ឈ្មោះនៅឡើយទេ មានអាយុប្រហែល ២០ឆ្នាំ រងរបួសស្រាល រួមដំណើរដោយឈ្មោះ ឈាន វ័ន្ត ភេទប្រុស អាយុ ២១ឆ្នាំ មុខរបរដើរលក់ ទឹកផ្លែឈើកញ្ចប់ ស្នាក់នៅសង្កាត់ស្ទឹងមានជ័យ ខណ្ឌមានជ័យ រងរបួសធ្ងន់ និងម្នាក់ទៀតឈ្មោះ សូរិយា ភេទប្រុស អាយុ ២៧ឆ្នាំ មុខរបរដូចគ្នា ស្នាក់នៅជាមួយគ្នា មានស្រុកកំណើត នៅភូមិស្លា ឃុំស្វាយយ៉ា ខេត្តស្វាយរៀង៕
Source from: watphnom-news.com
Loading...
Post a Comment