រាជធានីភ្នំពេញ ៖ ប៉ូលីសខណ្ឌឫស្សីកែវ ផ្នែកអន្តរាគមន៍ម្នាក់ ត្រូវបាននគរបាលចាប់ ឃាត់ខ្លួនបន្ទាប់ពី បានប្រព្រឹត្តអំពើអាសប្រទូស្ដកេរ្ដិ៍ ភេទក្មេងស្រីអាយុ ៥ ឆ្នាំរហូតដាច់រលាត់ ខណៈដែលក្មេងស្រីកំពុង នៅលេងមុខបន្ទប់ជួលរបស់ខ្លួន ហើយហៅចូលក្នុងបន្ទប់បិទទ្វារជិត រួចស្រាតខោដោយឲ្យក្មេងស្រីលេង ប្រដាប់ភេទ រីឯជនសង្ស័យយកម្រាមដៃ រុកលេងប្រដាប់ភេទក្មេងស្រី រួចហើយគេចខ្លួនបាត់ ហើយរហូតដល់វេលាម៉ោង ១៧ល្ងាចថ្ងៃទី១៥ ខែវិច្ឆិកា ឆ្នាំ២០១៣ ជនសង្ស័យក៏ត្រូវបានឃាត់ខ្លួន នៅចំណុចបន្ទប់ជួល តាមផ្លូវរទេះភ្លើងក្រុមទី៦ ភូមិ-សង្កាត់ទួលសង្កែ ខណ្ឌឫស្សីកែវ។
ជនសង្ស័យឈ្មោះ លឹម ចាន់ថុល អាយុ ២៩ឆ្នាំ ជាប៉ូលិសខណ្ឌឫស្សីកែវ ស្នាក់នៅកន្លែងកើតហេតុខាងលើ រីឯក្មេងស្រីរងគ្រោះឈ្មោះ ឡ-ល-ណ អាយុ ៥ឆ្នាំ ស្នាក់នៅបន្ទប់ក្បែរគ្នា បានប្រព្រឹត្តអំពើប្រទូស្ដកេរ្ដិ៍ភេទក្មេងស្រីរងគ្រោះ កាលពីថ្ងៃទី១១ ខែវិច្ឆិកា ឆ្នាំ២០១៣។ មុនពេលកើតហេតុ ក្មេងស្រីរងគ្រោះបាននៅលេង ខាងមុខបន្ទប់ជួល របស់ជនសង្ស័យ ខណៈដែលជនសង្ស័យត្រឡប់មកពីហាត់ ហាត់បង្ក្រាបបាតុកម្ម ក៏បានហៅក្មេងស្រី ចូលក្នុងបន្ទប់រួចបិទទ្វារជិត។
ពេលនោះជនសង្ស័យបានស្រាតខោ ឲ្យក្មេងស្រីរងគ្រោះ កាន់លេងប្រដាប់ភេទ ឯជនល្មើសយកចង្អុលដៃ រុកលេងប្រដាប់ភេទក្មេងស្រី រហូតដល់ទីជម្រៅ មានការដាច់រលាត់។ ក្រោយកើតហេតុម្តាយ បានងូតទឹកឲ្យកូន ពេលនោះនាងមានអាការៈ ឈឺផ្សាក្រហាយ ហើយក៏ខំជជីកសួរ ទើបក្មេងស្រីរៀបរាប់ប្រាប់គ្រប់រឿង ដែលបានកើតឡើង។ គ្រូពេទ្យបានកោសល្យវិច័យ ប្រដាប់ភេទក្មេងស្រីរងគ្រោះ និងធ្វើការសាកសួរជនសង្ស័យ តែមិនទាន់ត្រូវដោះស្រាយយ៉ាងណានោះទេ។
ករណីនេះមានព័ត៌មានលួចខ្សឹបប្រាប់ថា គេកំពុងរត់ការដោះលែង ជនសង្ស័យ ព្រោះប៉ូលិសពិបាក ក្នុងការចាត់ការក្នុងករណីនេះ ដោយសារតែជនសង្ស័យ ជាប៉ូលិសសាច់ឯង។ គេកំពុងតាមដានមើលថា តើយុត្តិធម៌មានពិតឬអត់ សម្រាប់ជនរងគ្រោះ ដែលមានជីវភាពខ្សត់ខ្សោយ ហើយជនសង្ស័យឈ្មោះ លឹម ចាន់ថុល នឹងត្រូវកសាងសំណុំរឿង បញ្ជូនទៅកាន់តុលាការឬក៏អត់៕
Source from: watphnom-news.com
Loading...
Post a Comment