រាជធានីភ្នំពេញ៖រាជរដ្ឋាភិបាលកម្ពុជាបានសម្រេចប្រកាសឱ្យប្រើប្រាស់ក្រដាសប្រាក់ប្រភេទ២០០០រៀលថ្មីដើម្បីចរាចរក្នុងឱកាសរាជធានីភ្នំពេញ ៖ រាជរដ្ឋាភិបាលកម្ពុជា បានសម្រេចប្រកាសឱ្យប្រើប្រាស់ ក្រដាសប្រាក់ប្រភេទ ២០០០ រៀលថ្មី ដើម្បីចរាចរក្នុងឱកាស បុណ្យឯករាជ្យជាតិខួបទី ៦០ ឆ្នាំ (៩-១១-១៩៥៣ – ៩-១១-២០១៣) ហើយក្នុងថ្ងៃជាមួយគ្នានេះដែរ ធនាគារជាតិនៃកម្ពុជា ក៏បានចេញសេចក្តីប្រកាស អំពីការចរាចរក្រដាសប្រាក់ ២០០០រៀលថ្មី ដោយបញ្ជាក់ពីលក្ខណៈ របស់ក្រដាសប្រាក់ ២០០០រៀលនេះផងដែរ ។
សម្ដេច ហ៊ុន សែន នាយករដ្ឋមន្ត្រីនៃ ព្រះរាជាណាចក្រកម្ពុជា បានចេញអនុក្រឹត្យស្តីពីការ ចេញផ្សាយធនប័ត្រ អនុស្សាវរីយ៍ប្រភេទ ២០០០រៀល ដែលរាជរដ្ឋាភិបាលបានប្រកាស ជាផ្លូវការនៅថ្ងៃទី៨ ខែវិច្ឆិកា ឆ្នាំ២០១៣ ដោយបានសម្រេចអនុញ្ញាត ឱ្យចេញផ្សាយធ្វើចរាចរ និងប្រើប្រាស់ក្នុងទូទាំងព្រះរាជាណាចក្រកម្ពុជា នូវធនប័ត្រ អនុស្សាវរីយ៍ប្រភេទ ២០០០រៀល ទន្ទឹមនឹងបណ្ដាប្រភេទក្រដាសប្រាក់ ដែលត្រូវ បានចេញផ្សាយរួចហើយ ។
ធនាគារជាតិនៃកម្ពុជា មានភារកិច្ចចេញសេចក្តីប្រកាស ដើម្បីផ្សព្វផ្សាយពីលក្ខណៈសម្គាល់ នៃធនប័ត្រអនុស្សាវរីយ៍ប្រភេទ ២០០០រៀលនេះ ។ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី អគ្គទេសាភិបាល ធនាគារជាតិនៃកម្ពុជា រដ្ឋមន្ត្រី រដ្ឋលេខាធិការ គ្រប់ក្រសួង ស្ថាប័ន និងអភិបាលរាជធានី-ខេត្ត ត្រូវទទួលបន្ទុកអនុវត្តន៍អនុក្រឹត្យនេះ តាមភារកិច្ចរៀងៗខ្លួន ចាប់ពីថ្ងៃចុះហត្ថលេខានេះតទៅ ។
ខាងក្រោមនេះ គឺជាលក្ខណៈសម្គាល់មួយចំនួន របស់ក្រដាសប្រាក់ ២០០០រៀលថ្មី ៖
Source from: watphnom-news.com
Loading...
Post a Comment