រាជធានីភ្នំពេញ៖ចោរឆក់ខ្សែកចំនួន២នាក់ត្រូវបានជនរងគ្រោះនិងកម្លាំងសមត្ថកិច្ចឡោមព័ទ្ធចាប់បានភ្លាមៗរាជធានីភ្នំពេញ ៖ ចោរឆក់ខ្សែកចំនួន ២ នាក់ ត្រូវបានជនរងគ្រោះ និងកម្លាំងសមត្ថកិច្ច ឡោមព័ទ្ធចាប់បានភ្លាមៗ ក្រោយពេលពួកគេ បានឆក់ខ្សែកពីស្ដ្រីម្នាក់ ដែលកំពុងជិះម៉ូតូជាមួយប្ដី កាលពីវេលាម៉ោង ១និង២០ នាទីរសៀល ថ្ងៃទី១៨ ខែវិច្ឆិកាឆ្នាំ២០១៣ នៅក្បែរជ្រោះបាត់ស្នេហ៍ ភូមិទួលសង្កែ សង្កាត់ទួលសង្កែ ខណ្ឌឫស្សីកែវ។
មុនពេលកើតហេតុ ក្រុមចោរពីរនាក់បានឆក់ខ្សែក ហើយប្ដីស្ដ្រីរងគ្រោះ បានឱ្យប្រពន្ធរបស់ខ្លួន និងកូនតូចចុះពីលើម៉ូតូ ដេញតាមក្រុមចោរឆក់ ហើយធាក់ផ្ដួលបណ្ដាលឲ្យ ក្រុមចោរដួលម៉ូតូ ហើយជនរងគ្រោះក៏បានជ្រុល ទៅបុករបងថ្ម ដួលរងរបួសធ្ងន់ ។ ភ្លាមៗនោះ ជនសង្ស័យម្នាក់ ត្រូវបានចាប់ខ្លួន រីឯម្នាក់ទៀត កម្លាំងសមត្ថកិច្ចបានឡោមព័ទ្ធ ចាប់ខ្លួនបានម្នាក់ទៀត ។
ជនសង្ស័យដែលត្រូវបានឃាត់ខ្លួន រួមមានឈ្មោះ ម៉ូ សើ អាយុ ២២ ឆ្នាំ និងឈ្មោះ វី អាយុជាង ២០ ឆ្នាំដូចគ្នា រស់នៅសង្កាត់ច្រាំងចំរេះទី១ ខណ្ឌឫស្សីកែវ ។ ជនរងគ្រោះជាប្រពន្ធឈ្មោះ ប៊ុន សិលា អាយុ ២៥ឆ្នាំ រីឯប្ដីឈ្មោះ កែវ ចំរើន អាយុ ២៥ឆ្នាំ ស្នាក់នៅភូមិទួលគោក សង្កាត់ទួលសង្កែ ខណ្ឌឫស្សីកែវ ។
ស្ត្រីជាប្រពន្ធបានឱ្យដឹងថា មុនពេលកើតហេតុ គាត់និងប្ដីកំពុងជិះម៉ូតូម៉ាក សង់កូរ៉េ ពណ៌ក្រហម តាមផ្លូវបេតុង ក្បែរជ្រោះបាត់ស្នេហ៍ ក្នុងទិសដៅពីកើតទៅលិច ក្នុងគោលបំណងទៅផ្ទះ ស្រាប់តែលេចមុខជនសង្ស័យទាំង ២ នាក់ជិះម៉ូតូ ស្មាស់ពណ៌ក្រហម ឆក់ខ្សែកពីគាត់ដែលអង្គុយពីក្រោយ បានសម្រេចរួច គេចខ្លួនទៅតាមផ្លូវលេខ ៥៩៨ ទើបប្តីរបស់គាត់ ដេញតាមពីក្រោយ រហូតចាប់បាន ក្រុមចោរទាំងនោះ៕
Source from: watphnom-news.com
Loading...
Post a Comment