ខេត្តកំពង់ធំ៖កូនកំលោះដែលត្រៀមចូលរោងការនៅថ្ងៃទី១៨ខែវិច្ឆិកាបានបបួលមិត្តភក្តិទៅរកអុសក៏ជួបរឿងអកុសលត្រូវឡានបុកស្លាប់ ខេត្តកំពង់ធំ ៖ កូនកំលោះដែលត្រៀម ចូលរោងការនៅថ្ងៃទី១៨ ខែវិច្ឆិកា បានបបួលមិត្តភក្តិទៅរកអុស ក៏ជួបរឿងអកុសល ត្រូវឡានបុកស្លាប់ ២ នាក់ហើយម្នាក់ទៀត បានរងរបួសធ្ងន់ ដេកសន្លប់រដូករណែល នៅក្នុងថ្លុកឈាម យ៉ាងអាណោចអាធ័មនៅតាមផ្លូវជាតិលេខ៦២ ពីខេត្តកំពង់ធំ ទៅខេត្តព្រះវិហារ ត្រូវប្រជាពលរដ្ឋប្រទះឃើញ កាលពីវេលាម៉ោង ១៨និង២៥ នាទីយប់ ថ្ងៃទី១៥ ខែវិច្ឆិកា ឆ្នាំ២០១៣ ត្រង់ភូមិជំទប់ ឃុំជៃ ស្រុកកំពង់ស្វាយ ខេត្តកំពង់ធំ។
សមត្ថកិច្ចដែលបាន ចុះទៅអន្តរាគមន៏បានឲ្យដឹងថា សាកសពបុរស ២ នាក់ត្រូវរថយន្តបុកនិងកិនខ្ទេចក្បាល ធ្លាយខួររាយប៉ាយពេញផ្លូវ និងអ្នករងរបួសសន្លប់ ក្នុងថ្លុកឈាម ដោយគេរកឃើញ ម៉ូតូម៉ាកវេវ អាល់ហ្វា ពណ៌ក្រហមមួយគ្រឿង ដែលជារបស់ជនរងគ្រោះ និងឃើញអំបែងចង្កៀងម៉ូតូផងដែរ។ សមត្ថកិច្ចបានសនិ្នដ្ឋានថា វាជាអំពើគ្រោះថ្នាក់ចរាចរ បង្កដោយភាគីម្ខាង ជារថយន្ត ដែលបើកស្របទិសគ្នាជាមួយម៉ូតូ ពីត្បូងទៅជើង ហើយរថយន្តបានបុកម៉ូតូពីក្រោយ ពេញមួយទំហឹង នៅលើទ្រូងផ្លូវខាងស្ដាំតែម្ដង។
យុវជនរងគ្រោះរួមមានឈ្មោះ ទីន សុថាន អាយុ ១៨ ឆ្នាំបានស្លាប់ ជាបើកម៉ូតូ និងអ្នកជិះពីក្រោយ ២ នាក់ទៀត ឈ្មោះ អេន អ៊ី អាយុ ១៦ ឆ្នាំបានស្លាប់ អ្នកទាំង ២ នៅភូមិសំពុង ឃុំប្រាសាទ ស្រុកសន្ទុក ខេត្តកំពង់ធំ។ ចំណែកយុវជនរងរបួសធ្ងន់ នៅមិនទាន់ស្គាល់ អត្តសញ្ញាណនៅឡើយទេ។ ក្រុមគ្រួសារសពបានឲ្យដឹងថា យុវជនទាំង ៣ នាក់នេះគឺម្នាក់ស្លាប់ឈ្មោះ ទីន សុថាន នេះជាម៉ីខ្លួនកូនកំលោះ ដែលត្រូវចូលរោងការនៅថ្ងៃ ០១ រោជ ខែកក្តិក ត្រូវនឹងថ្ងៃទី១៨ ខែវិច្ឆិកា ឆ្នាំ២០១៣ ហើយនៅថ្ងៃកើតហេតុ កូនកំលោះបាននាំមិត្តភក្ដិទៅរកអុស មកដុតក្នុងពីធីមង្គលការ តែជាអកុសលត្រូវឡានបុកស្លាប់ យ៉ាងអាណោចអាធ័ម ចំណែករថយន្តដែលបង្ក បានបើកគេចខ្លួន បាត់ស្រមោលតែម្តង៕
Source from: watphnom-news.com
Loading...
Post a Comment