ខេត្ដមណ្ឌលគិរី៖រថយន្ដម៉ាកកាមរីស្វិតចំនួន២គ្រឿងគ្មានស្លាកលេខរបស់ឈ្មួញរកស៊ីដឹកឈើខុសច្បាប់បើកបរបញ្ច្រាសទិសគ្នាខេត្ដមណ្ឌលគិរី ៖ រថយន្ដម៉ាកកាមរីស្វិត ចំនួន ២គ្រឿង គ្មានស្លាកលេខ របស់ឈ្មួញរកស៊ីដឹកឈើខុសច្បាប់ បើកបរបញ្ច្រាសទិសគ្នា បានបុកគ្នាលាន់ដូចរន្ទះ កាលពីវេលាម៉ោង ៤និង៣០ នាទីទៀបភ្លឺថ្ងៃទី២០ ខែវិច្ឆិកា ឆ្នាំ២០១៣ នៅតាមបណ្ដោយ ផ្លូវជាតិលេខ៧៦ ចំណុចគីឡូម៉ែត្រលេខ១៦៨ ស្ថិតក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្ដមណ្ឌលគិរី បណ្ដាលឱ្យមនុស្ស ៤នាក់រងរបួសធ្ងន់និងស្រាល ត្រូវបានដឹកយកទៅសង្គ្រោះបន្ទាន់ នៅមន្ទីរពេទ្យប្រទេសវៀតណាម។
មុនពេលកើតហេតុ គេឃើញរថយន្ដ កាមរីគូទស្វិត ពណ៌ក្រហម បើកចេញពីស្រុកអូររាំង ទៅស្រុកកែវសីមា ក្នុងទិសដៅពីកើតទៅលិច ។ ចំណែករថយន្ដមួយគ្រឿងទៀត ម៉ាកកាមរីស្វិត ពណ៌កណ្ដុរល្មែះ បើកបរបញ្ច្រាសទិសគ្នា ពេលមកដល់ចំណុចកើតហេតុ រថយន្ដកាមរីពណ៌ក្រហម បានបើកប្រកាន់ស្ដាំ តែរថយន្ដកាមរីពណ៌កណ្ដុរល្មែះ បានប្រជែងចូលចំណែកផ្លូវម្ខាងទៀត បណ្ដាលឱ្យបុកគ្នា ហើយយុវជន ៤ នាក់ បានរងរបួសធ្ងន់ស្រាល។ ក្នុងនោះមានឈ្មោះ ពៅ អ្នកបើកបររថយន្ដកាមរី ពណ៌ក្រហម រងរបួសធ្ងន់ អ្នករួមដំណើររងរបួសស្រាល មានឈ្មោះណាត ចំណែកខាងរថយន្ដ ពណ៌កណ្ដុរល្មែះ អ្នកបើកបររងរបួសធ្ងន់និងព្រូបានរងរបួសស្រាល ៕
Source from: watphnom-news.com
Loading...
Post a Comment