រាជធានីភ្នំពេញ៖រថយន្តក្រឡុកស៊ីម៉ងត៍បានបើកបុកម៉ូតូពីក្រោយហើយកិនអូសម៉ូតូជិត១០០ម៉ែត្ររហូតដល់មុខហាងសម្រស់បុប្ផាស្ពានដែករាជធានីភ្នំពេញ ៖ រថយន្តក្រឡុកស៊ីម៉ងត៍ បានបើកបុកម៉ូតូពីក្រោយ ហើយកិនអូសម៉ូតូជិត ១០០ម៉ែត្រ រហូតដល់មុខហាង សម្រស់បុប្ផាស្ពានដែក ទើបទៅមុខលែងរួច បណ្តាលឲ្យបុរសម្នាក់ បានរងរបួសបាក់ជើងខាងស្ដាំ និង ២ នាក់ទៀតរបួសស្រាលកាលពីវេលាម៉ោង ២១និង២០ នាទីថ្ងៃទី១៣ ខែវិច្ឆិកា ឆ្នាំ២០១៣ នៅតាមបណ្ដោយផ្លូវលេខ២១៧ ស្ថិតក្នុងភូមិម័រ សង្កាត់ដង្កោ ខណ្ឌដង្កោ ។
ជនរងគ្រោះមាន ១-ឈ្មោះ ញឹម ធេត អាយុ ២០ឆ្នាំ ទី២-ឈ្មោះ ញឹម ភើន អាយុ ៣៣ឆ្នាំ និងទី៣-ឈ្មោះ ញឹម ខា ភេទស្រី អាយុ ១៧ឆ្នាំ មានស្រុកកំណើត នៅភូមិព្រៃឈើទាល ឃុំប្រាំបីមុំ ស្រុកត្រាំង ខេត្តតាកែវ ។ មុនពេលកើតហេតុ ជនរងគ្រោះបានជិះម៉ូតូមួយគ្រឿង ម៉ាកសេ១២៥ ពណ៌ ខ្មៅពាក់ស្លាកលេខ តាកែវ 1H-1004 ជិះគ្នា៣នាក់ ធ្វើដំណើរតាមផ្លូវលេខ២១៧ ក្នុងទិសដៅពីជើងទៅត្បូង។
ខណៈមកដល់ចំណុចកើតហេតុ ស្រាប់តែមានរថយន្តក្រឡុកស៊ីម៉ងត៍ មួយគ្រឿង ពណ៌ស ពាក់ស្លាកលេខ ព្រះសីហនុ 3A-0713 ធ្វើដំណើរស្របទិសគ្នា ក្នុងល្បឿនលឿន ជ្រុលបុកម៉ូតូពីក្រោយពេញទំហឹង បណ្ដាលឲ្យម៉ូតូចូលក្រោមរថយន្ត ហើយអូសជិត ១០០ម៉ែត្រ បណ្ដាលឲ្យមនុស្សចំនួន ៣នាក់ រងរបួសធ្ងន់ស្រាល ត្រូវបានរថយន្តសង្គ្រោះដឹកទៅសង្គ្រោះភ្លាមៗ៕
Source from: watphnom-news.com
Loading...
Post a Comment