ប្រ​ជា​ពល​រដ្ឋ​​ក្រី​ក្រ ១៩ គ្រួ​សារ​​រស់​នៅ​​លើ​ដី​​ចំ​ណី​ផ្លូវ​​ទំ​នប់ ក​.៥ លើក​គ្នា​​ត​វ៉ា​​រឿង​​ឧក​ញ៉ា កុក អាន ធ្វើ​​របង​​បិទ​ផ្លូវ​​មិន​​ឲ្យ​​ពួក​គាត់​​ចេញ​ចូល​​ផ្ទះ​

Daily News, In Khmer, sex, Sexy, Social News

11/14/2013 08:01:00 AM

ក្រុងប៉ោយប៉ែត៖ប្រជាពលរដ្ឋក្រីក្រចំនួន១៩គ្រួសារដែលរស់នៅលើដីចំណីផ្លូវទំនប់ក.៥ស្ថិតនៅក្នុងភូមិសាមគ្គីមានជ័យ

ក្រុងប៉ោយប៉ែត ៖ ប្រជាពលរដ្ឋក្រីក្រចំនួន ១៩ គ្រួសារដែលរស់នៅ លើដីចំណីផ្លូវទំនប់ ក.៥ ស្ថិតនៅក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បាននាំគ្នាតវ៉ានៅមុខផ្ទះរបស់ខ្លួន កាលពីវេលាម៉ោង ១១និង៤០ នាទីព្រឹកថ្ងៃទី១២ ខែវិច្ឆិការ ឆ្នាំ២០១៣នេះ និងសុំឲ្យអ្នកកាសែតជួយផ្សព្វផ្សាយព័ត៌មាននេះ ឲ្យប្រមុខរាជរដ្ឋាភិបាលបានដឹងឮ ពីបញ្ហាដែលក្រុមហ៊ុនកាស៊ីណូហ្គោលឌិនក្រោន របស់លោកឧកញ៉ា កុក អាន បានធ្វើរបងបិទផ្លូវ ពីមុខផ្ទះរបស់ពួកគាត់ មិនឲ្យចេញ ចូលបានឡើយ ។

តំណាងប្រជាពលរដ្ឋបានសំណូមពរ ដល់ប្រមុខថ្នាក់ដឹកនាំ មេត្តាជួយចាត់វិធានការ ជួយរកដំណោះស្រាយដោយតម្លាភាព ជូនពួកគាត់ផង ព្រោះពួកគាត់បានរស់នៅ លើដីចំណីផ្លូវទំនប់ ក.៥ នេះតាំងពីឆ្នាំ២០០៥ និង២០០៦ មកម្លេះ ហើយក៏មានការទទួលស្គាល់ដឹងឮ ពីអាជ្ញាធរមូលដ្ឋានភូមិឃុំផងដែរ ។ ប៉ុន្តែកាលពីពេលថ្មីៗនេះ ខាងក្រុមហ៊ុនកាស៊ីណូ ហ្គោលឌិនក្រោន ក្រុងប៉ោយប៉ែតរបស់លោកឧកញ៉ា កុក អាន បានធ្វើរបងបិទផ្លូវមិនផ្លូវមិនឲ្យពួកគាត់ ចេញចូលផ្ទះបានទៀតឡើយ ។

យោងតាមការបំភ្លឺពី ប្រជាពលរដ្ឋរងគ្រោះទាំង ១៩ គ្រួសារនោះបានឲ្យដឹងថា ជុំវិញបញ្ហាទាំងអស់នេះពួកគាត់បាននាំគ្នាផ្តិតមេដៃ ដាក់ពាក្យបណ្តឹងទៅមេភូមិ និងសាលាក្រុងប៉ោយប៉ែត ម្តងរួយមកហើយ។ ប្រជាពលរដ្ឋបានបន្តថា ជុំវិញបញ្ហាទាំងអស់នេះ អាជ្ញាធរហាក់មានចេតនា រុញដាក់គ្នា ដោយមិនចង់រកដំណោះស្រាយណាមួយ ជូនពួកគាត់នោះទេ ដោយខាងមេភូមិ បានប្រាប់ដល់ប្រជាពលរដ្ឋ ថារឿងនេះហួសពីសមត្ថភាព របស់គាត់ជាភូមិក្នុងការដោះស្រាយ ពីព្រោះខាងក្រុមហ៊ុន កាស៊ីណូហ្គោលឌិនក្រោន គេមានអំណាចខ្លាំងណាស់។

យ៉ាងណាក៏ដោយលោក ង៉ោ ម៉េងជ្រួន អភិបាលក្រុងប៉ោយប៉ែត បានអះអាងថា រាល់បញ្ហាទាំងអស់នោះ លោកបានដឹងហើយ តែដោយសារពេលកន្លងមក ខាងក្រុមហ៊ុន កាស៊ីណូហ្គោលឌិនក្រោន របស់លោកឧកញ៉ា កុក អាន បានជូនដំណឹងមកសាលាក្រុងថា មានប្រជាពលរដ្ឋនាំគ្នា មកធ្វើខ្ទមស្នាក់នៅលើដីចំណីមាត់ស្រះទឹក ជាកម្មសិទ្ធិរបស់ក្រុមហ៊ុន ត្រង់ចំណុចលើដីចំណីផ្លូវទំនប់ ក.៥ ហើយបន្ទាប់មកខាងអាជ្ញាធរក្រុង បានចេញលិខិតហាមឃាត់ ប្រជាពលរដ្ឋទាំងអស់នោះ មិនឲ្យទៅចាប់ដីសាងសង់លំនៅដ្ឋាន របៀបអនាធិបតេយ្យបន្ថែមទៀតឡើយ ។

លោក ង៉ោ ម៉េងជ្រួន បានបញ្ជាក់ទៀតថា ចំពោះប្រជាពលរដ្ឋ ដែលរស់នៅចំណុចនោះ មានមួយចំនួនជាពលរដ្ឋ ដែលមានដីរស់នៅក្នុងប្លុក ប្រជាពលរដ្ឋ ២១៨ គ្រួសារដែលមានវិវាទកន្លមក ហើយត្រូវបានអាជ្ញាធរដោះស្រាយ ផ្តល់គោលនយោបាយរួចហើយ។ យ៉ាងណាក៏ដោយប្រជាពលរដ្ឋ បានអំពាវនាវសូមឲ្យអាជ្ញាធរវិធានការ ជួយសំរួលដល់ពួកគាត់ផង កុំឲ្យអ្នកមានលុយ និងអ្នកមានអំណាច ធ្វើបាបពួកគាត់តាមតែអំពើចិត្តតទៅទៀត ៕