ខេត្តក្រចេះ ៖ កម្មករចំការកៅស៊ូ បានប្រទះឃើញ សពស្ត្រីវ័យក្មេងម្នាក់ ដេកស្លាប់ទាំងអាក្រាតកាយ នៅខាងក្រោយភូមិ ក្នុងសភាពហើមស្អុយរលួយ ក្បែរផ្សាកា៣ ក្នុងភូមិគ្រញូងសែនជ័យ ឃុំ២ធ្នូ ស្រុកស្នួល ខេត្តក្រចេះ កាលពីវេលាម៉ោង ១០និង៣០ នាទីព្រឹកថ្ងៃទី១៩ ខែធ្នូ ឆ្នាំ២០១៣ ហើយសមត្ថកិច្ចបានសង្ស័យថា ជាករណីរំលោភសម្លាប់។
អ្នកភូមិបានឲ្យដឹងថា មុនពេលកើតហេតុ មានពិធីជប់លៀង ឡើងគេហដ្ឋានថ្មី របស់ប្រជាពលរដ្ឋម្នាក់ក្បែរផ្សាកា៣ រហូតដល់ថ្ងៃទី១៩ ខែធ្នូ ឆ្នាំ២០១៣ នេះស្រាប់តែក្រុមកម្មករ ចំការកៅស៊ូបានប្រទះឃើញ សពស្ត្រីម្នាក់ដេកស្លាប់ ដោយអាក្រាតកាយ នៅខាងក្រោយផ្ទះ ដែលមានពិធីជប់លៀងនេះ ចម្ងាយប្រហែល ១០០ម៉ែត្រ ទំនងជាសពស្ត្រីរងគ្រោះ បានស្លាប់ប្រហែល ២ទៅ៣ ថ្ងៃហើយ ព្រោះសពមានសភាព ហើមស្អុយ។
យ៉ាងណាក៏ដោយសពស្ត្រីរងគ្រោះ ត្រូវបានគេស្គាល់ថា មានឈ្មោះ ត្រេន ស្រីអូន អាយុ ២៤ឆ្នាំ មានស្រុកកំណើតនៅភូមិទឹកថ្លា ឃុំទឹកថ្លា ស្រុកព្រៃវែង ខេត្តព្រៃវែង អាចជាករណីរំលោភសម្លាប់ បំបាត់ភស្តុតាង។ សមត្ថកិច្ចបានធ្វើការស្រាវជ្រាវ រកឃើញអត្តសញ្ញាណ របស់ជនសង្ស័យជា ឃាតករដែលសម្លាប់ ស្ត្រីរងគ្រោះនោះហើយ ព្រោះសមត្ថកិច្ចរកឃើញ អត្តសញ្ញាណប័ណ្ណ របស់ជនសង្ស័យចំនួន ២សន្លឹកព្រមទាំងអត្តសញ្ញាណប័ណ្ណ របស់ស្ត្រីរងគ្រោះផងដែរ៕
Source from: watphnom-news.com
Loading...
Post a Comment