ខេត្តបន្ទាយមានជ័យ៖ស្ត្រីចំណាស់ម្នាក់ត្រូវបានប្តីជិះម៉ូតូឌុបចេញពីមន្ទីរពេទ្យខេត្តសៀមរាបឆ្ពោះទៅស្រុកម៉ាឡៃខេត្តបន្ទាយមានជ័យក៏ជ្រុលទៅបុកបាវស្រូវលើគោយន្តខេត្តបន្ទាយមានជ័យ ៖ ស្ត្រីចំណាស់ម្នាក់ត្រូវបានប្តីជិះម៉ូតូ ឌុបចេញពីមន្ទីរពេទ្យ ខេត្តសៀមរាប ឆ្ពោះទៅស្រុកម៉ាឡៃ ខេត្តបន្ទាយមានជ័យ ក៏ជ្រុលទៅបុកបាវស្រូវលើគោយន្ត ដែលចតនៅស្ងៀមមួយកន្លែង បណ្តាលឲ្យស្ត្រីរងគ្រោះនិងចៅអាយុ ៨ខែខ្ទាតចេញពីម៉ូតូ ដួលទៅលើផ្លូវជាតិលេខ៥ ខណៈនោះរថយន្តកាម៉ាស់ ដឹកទំនិញបានមកដល់ ក៏កិនបែកក្បាលស្លាប់ភ្លាមៗតែម្តង កាលពីវេលាម៉ោង ១០និង៣០ នាទីព្រឹកថ្ងៃទី១៩ ខែធ្នូ ឆ្នាំ២០១៣ នៅចំណុចភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យឯចៅស្រីដែលមានអាយុ៨ ខែនោះបានរួចផុត ពីសេចក្តីស្លាប់ ។
ឈ្មោះ តេងតាប់ អាយុ ៦១ឆ្នាំ ជាអ្នកបើកបរម៉ូតូវេវ ស៊េរី២០០២ ត្រូវជាប្តីរបស់ស្ត្រីរងគ្រោះ រស់នៅភូមិប្រសាទរាំង ឃុំតាគង់ ស្រុកម៉ាឡៃ ខេត្តបន្ទាយមានជ័យ បានឲ្យដឹងថា ប្រពន្ធរបស់គាត់ឈ្មោះ ឃុំវេ អាយុ ៥៥ឆ្នាំ។ មុនពេលកើតហេតុ ទាំង ២នាក់ប្តីប្រពន្ធ បានទៅយកចៅស្រីឈ្មោះ ធារ៉ា អាយុ ៨ខែចេញពីមន្ទីរពេទ្យ ខេត្តសៀមរាប ដោយស្ត្រីជាប្រពន្ធបីចៅ អង្គុយពីក្រោយ។
លុះមកដល់ចំណុចកើតហេតុ ស្រាប់តែដៃចង្កូតម៉ូតូ បុកទាក់បាវស្រូវលើគោយន្ត ដែលនៅស្ងៀមបណ្តាលឲ្យ ជ្រុះធ្លាក់យាយនិង ចៅទៅលើផ្លូវជាតិ ហើយក៏ត្រូវរថយន្តកាម៉ាស់សណ្តោង របស់ក្រុមហ៊ុនប៉ាស៊ីហ្វិច ពាក់ស្លាកលេខ ៥០០៧ ភព៤ បើកបរដោយឈ្មោះ តុង បានបើកកិនក្បាលស្ត្រីរងគ្រោះ បណ្តាលឲ្យស្លាប់តែម្តង ហើយបុរសជាប្តី និងចៅស្រី សំណាងល្អអាចរួចផុត ពីសេចក្តីស្លាប់៕
Source from: watphnom-news.com
Loading...
Post a Comment