ប្រទេសចិន៖នាងកញ្ញារូបស្រស់លំដាប់លេខ១របស់តៃវ៉ាន់នាងលិនជឺលិងបានរងការបរិហារប្រទេសចិន ៖ នាងកញ្ញារូបស្រស់លំដាប់លេខ ១របស់ តៃវ៉ាន់នាង លិន ជឺលិង បានរងការបរិហារ អំពីរឿងដែលនាង ធ្វើការវះកាត់ កែសម្រស់ជាច្រើនឆ្នាំមកហើយ ប៉ុន្តែហាក់បីដូចជាពេលវ័យ របស់នាងកាន់តែច្រើនឡើងៗ ដំណឹងអាក្រក់ទាំងនោះ ក៏រឹតតែតាមលងបន្លាចនាង មិនអស់មិនហើយព្រោះវាត្រូវ គេនិយាយរំឭកយ៉ាងពេញត្រចៀកសឹងរាល់ថ្ងៃ។
ជាពិសេសក្នុងមួយរយៈពេល ចុងក្រោយដែល មានមនុស្សនិយាយថា តារាវ័យ ៣៧ឆ្នាំរូបនេះ ចង់ព្យាបាលសម្រស់ ស្រស់ស្អាតរបស់ខ្លួនណាស់ ដល់ថ្នាក់ធ្វើការវះកាត់ កែច្នៃកាឡៃធម្មជាតិ រហូតធ្វើឲ្យផ្ទៃមុខមិនអាច កម្រើកសម្តែងនូវអារម្មណ៍ ណាមួយបានឡើយ។ ប្រឈមនឹងបញ្ហា មិនសមហេតុផលបែបនេះនាងគ្មានជម្រើសអ្វី ក្រៅពីត្រូវពឹងផ្អែកលើ ឯកសារធានារ៉ាប់រងពីគ្រូពេទ្យ ដើម្បីអះអាងថាខ្លួននាងស្អាតពីកំណើតមកម្ល៉េះ មិនមែនស្អាតព្រោះតែ ផ្លែកាំបិតនោះទេ។
តារាម៉ូឌែលប្រចាំចិត្តកំលោះៗ របស់ចិនតៃវ៉ាន់ ថែមទាំងអះអាងអំពីបញ្ហានេះ ដោយលើកយកលិខិតបញ្ជាក់ របស់គ្រូពេទ្យដើម្បីធ្វើឲ្យប្រាកដថា លិន ជឺលិង គឺនៅតែស្រស់ផូរផង់ បែបធម្មជាតិដូចដើមទាំងស្រុងមែន។ ទន្ទឹមគ្នានេះ សូម្បីមានលិខិតគ្រូពេទ្យ អះអាងជួយការពារកេរ្តិ៍ឈ្មោះ ក្នុងឋានៈជាតា រាអមតៈ ស្រស់លេចធ្លោមិនចាញ់ យុវវ័យសូម្បីអាយុជិតខិតដល់ ៤០ទៅហើយក៏ដោយក៏នាង លិន ជឺលិង ត្រូវរងភាពសៅហ្មងមិនស្ទើរដែរ។
ពីព្រោះតាមទិន្នន័យ របស់គ្រូពេទ្យនិយាយថា ការប្រើប្រាស់គ្រឿងសម្អាងរយៈពេល យូរយារក្នុងអាជីពសិល្បៈ អាចធ្វើឲ្យសុខភាពស្បែក របស់តារាម្នាក់នេះ មិនសូវល្អផូរផង់បានទេ វាអាចមានអាការប្រតិកម្មយ៉ាងងាយ និងមានស្លាកស្នាម នៃការខូចស្បែកផងដែរ។ ទោះជាយ៉ាងណា តាមវេជ្ជបញ្ជាគ្រូពេទ្យបានសង្កត់ធ្ងន់ថា នាងមិនសូវធ្វើការវះកាត់ កែសម្រស់អ្វីពេកទេ គឺអ្វីៗមួយភាគធំ ជាអំណោយទានពីធម្មជាតិ របស់នាងពិតមែន។
នាង លិន ជឺលិង ជាតារាតៃវ៉ាន់ម្នាក់ ទទួលជោគជ័យក្នុងអាជីពសម្តែង យ៉ាងឆាប់រហ័ស បន្ទាប់ពីបានសម្តែងភាពយន្តដំបូង តាំងពីច្រើនឆ្នាំមុន ហើយនាងក៏នៅមានឈ្មោះថាជាតារាប្រកបដោយ ជោគជ័យដែលទទួលបានការងារ ពីចិនដីគោក និងជប៉ុនផងដែរ។ ប៉ុន្តែនៅពេលដែលនាង លិន ជឺលិង បង្អួតរាងក្នុងឈុតរាត្រី ដ៏សិចស៊ី បង្ហាញកំភួនជើងសខ្ចី រៀវស្រឡូន ធ្វើឲ្យមនុស្សជាច្រើន មានអារម្មណ៍ថា មុខមាត់របស់នាងខុសប្លែក ពីធម្មតា ហាក់ដូចជារឹងតឹងដូចរូបសូន ពីក្រមួនឃ្មុំដែលមិនអាច បង្ហាញចេញនូវ អាម្មណ៍អ្វីបានសោះ។
កាលពីមុនមានដំណឹងថានាង លិន ជឺលិង ទើបតែទៅកែមុខ ដោយវះកាត់ដល់ទៅ ៤ លើក ដោយចំណាយប្រាក់ជាង ២០,០០០ យ៉ន់ ដែលចំណុចនេះបានក្លាយ ជាដើមហេតុធ្វើឲ្យតារា ស៊ុពើរម៉ូឌែលរូបនេះ ចេញមុខគ្រវីក្បាលបដិសេធ ទាំងមិនស្រួលចិត្ត ហើយសំណួមពរសូមផ្តល់ ការគោរពនិងផ្តល់កិត្តិយស ពីបណ្តាប្រព័ន្ធផ្សព្វផ្សាយ ព្រមទាំងបង្ហើបថា ប្រសិនជាមានរឿងរ៉ាវបែបនេះ កើតឡើងទៀតនាងអាចនឹងមានវិធានការ តាមច្បាប់តបតវិញ ជាមិនខានឡើយ៕
Source from: watphnom-news.com
Loading...
Post a Comment