រាជធានីភ្នំពេញ៖ក្រុមគយចល័តដឹកនាំដោយលោកព្រាបគារ៉ាត់ប្រធានការិយាល័យស្រាវជ្រាវបង្ក្រាបរាជធានីភ្នំពេញ ៖ ក្រុមគយចល័ត ដឹកនាំដោយលោក ព្រាប គារ៉ាត់ ប្រធានការិយាល័យ ស្រាវជ្រាវបង្ក្រាប អំពើរត់ពន្ធប្រចាំការ តាមផ្លូវជាតិលេខ១ ដោយមានកិច្ចសហការ ជាមួយកងរាជអាវុធហត្ថ លើផ្ទៃប្រទេស និងកងរាជអាវុធហត្ថខេត្តស្វាយរៀង បានធ្វើការស្រាវជ្រាវ បង្ក្រាបរថយន្តយីឌុបមួយគ្រឿង ដែលលួចនាំចូល ស្រាដែលមានតម្លៃខ្ពស់ ជាង១៥០ កេស ពីប្រទេសវៀតណាម តាមច្រកទ្វារអន្តរជាតិព្រៃវល្លិ៍ ស្ថិតក្នុងស្រុកកំពង់រោទ៌ ខេត្តស្វាយរៀង។
មន្ត្រីគយចល័តបានឲ្យដឹងថា ស្រាដែលរឹបអូសបាន ពីក្រុមឈ្មួញមានជាង ១៥០កេស ជាប្រភេទស្រាដែលមានតម្លៃខ្ពស់ ត្រូវក្រុមឈ្មួញលួចនាំចូល តាមច្រកទ្វារអន្តរជាតិព្រៃវល្លិ៍ បង្កប់តាមរថយន្តយីឌុប ពាក់ស្លាកលេខ ភ្នំពេញ ៣A-៥៧៥៨ ដែលដឹកស្រូវយកទៅលក់ នៅប្រទេសវៀតណាម ។ សមត្ថកិច្ចបានឃាត់រថយន្តនេះ នៅតាមដងផ្លូវជាតិលេខ១ ចម្ងាយពីច្រកទ្វារព្រៃវល្លិ៍ ជាង ៣០គីឡូម៉ែត្រ ហើយអ្នកនៅពីក្រោយខ្នង នៃអំពើរត់ពន្ធស្រាដ៏មានតម្លៃនេះ គឺជាឈ្មួញដ៏មានអំណាច នៅខេត្តស្វាយរៀង។
លោក ព្រាប គារ៉ាត់ បានប្រាប់អ្នកកាសែតថា ដោយមានការចង្អុលបង្ហាញ ពីលោក កើត សុធារ៉ា ប្រធាននាយកដ្ឋាន ស្រាវជ្រាវនិងបង្ក្រាប បទល្មើសគេចពន្ធ នៅទូទាំងប្រទេស ពីការខិតខំទប់ស្កាត់អំពើរត់ពន្ធទំនិញ ក្រុមគយចល័តប្រចាំការ តាមផ្លូវជាតិលេខ១ បានអនុវត្តន៍តាមគោលការណ៍ របស់ថ្នាក់លើ ទទួលបានលទ្ធផលផ្លែផ្កា ជាបន្តបន្ទាប់ ក្នុងការបង្ការបង្ក្រាប អំពើរត់ពន្ធទំនិញ ដើម្បីបង្កើនចំណូលពន្ធរដ្ឋ ដោយមានកិច្ចសហការល្អ ជាមួយសមត្ថកិច្ចតាមព្រំដែន ក៏ដូចជាអាជ្ញាធរមូលដ្ឋាន ដើម្បីឈានទៅបំបាត់ រាល់ភាពអសកម្ម ស្របតាមអនុសាសន៍ ដ៏ខ្ពង់ខ្ពស់របស់ ប្រមុខរាជរដ្ឋាភិបាល៕
Source from: watphnom-news.com
Loading...
Post a Comment