សិស្សសាលាព្រះមុន្នីវង្ស បង្កើតបក្ខពួកប្រុងវាយសិស្សសាលានេតយ៉ង់ ត្រូវកោះហៅមកអប់រំ
ខេត្តបាត់ដំបង៖កម្លាំងនគរបាលការិយាល័យព្រហ្មទណ្ឌកំរិតស្រាលបានឃាត់ខ្លួនសិស្សវិទ្យាល័យព្រះមុន្នីវង្ស១៤នាក់ដែលបានបង្កើតបក្ខពួកទំនើងខេត្តបាត់ដំបង ៖ កម្លាំងនគរបាលការិយាល័យ ព្រហ្មទណ្ឌកំរិតស្រាល បានឃាត់ខ្លួនសិស្ស វិទ្យាល័យព្រះមុន្នីវង្ស ១៤នាក់ ដែលបានបង្កើតបក្ខពួកទំនើង ចាំវាយក្រុមសិស្ស វិទ្យាល័យនេតយ៉ង់ យកមកអប់រំកាលពីវេលាម៉ោង ១០និង២០ នាទីព្រឹកថ្ងៃទី០៨ ខែមករា ឆ្នាំ២០១៤ នៅចំណុចមុខសាលាយូអេសអេ ស្ថិតក្នុងភូមិរំចេក៤ សង្កាត់រតនៈ ក្រុងបាត់ដំបង។
សមត្ថកិច្ចបានអោយដឹងថា សិស្សសាលាដែលត្រូវឃាត់ខ្លួន យកមកអប់រំមានចំនួន ១៤នាក់ជាសិស្សវិទ្យាល័យ ព្រះមុន្នីវង្ស ក្នុងចំណោមសិស្សជាច្រើន ហើយអ្នករត់រួចមាន កាន់ដំបងនិងច្រវ៉ាក់ សំរាប់ធ្វើសកម្មភាពវាយអ្នកដ៏ទៃ ហើយសិស្ស ១៤នាក់នេះ មានវត្ថុតាងជាដំបងដែកជ្រុង ១ដើមប្រវែងប្រហែលជិត ១ម៉ែត្រ។ ចំណែកភាគីម្ខាងទៀតជា សិស្សវិទ្យាល័យនេតយ៉ង់ មិនបានបង្ហាញខ្លួនឡើយ។
អាណាព្យាបាលសិស្សខ្លះ ជាមន្ត្រីយោធា នគរបាល ភាគច្រើនបាន សរសើរនគរបាល ដែលបានជួយទប់ស្កាត់ ដល់កូនគាត់មិនអោយវាយគ្នា តែខ្លះនិយាយកាន់ជើងកូន និងដៀលដល់ សមត្ថកិច្ចថែមទៀត។ តែទោះជាយ៉ាងណា ក្រោយពេលសាកសួររួច ចាំអោយអាណាព្យាបាល មកធ្វើការធានា យកកូនត្រឡប់ទៅផ្ទះវិញ និងជួយអប់រំកូននៅផ្ទះបន្ថែមទៀត កុំបង្កើតបក្ខពួកដើរវាយគ្នា អោយខិតខំប្រឹងរៀនសូត្រ ដើម្បីក្លាយជាកូនល្អ ជាពលរដ្ឋល្អ ក្នុងសង្គម៕ ដោយ សុខជា
Source from: watphnom-news.com
Loading...
Post a Comment