មានជំងឺសសៃប្រសាទលេបថ្នាំ ៣-៤ ឆ្នាំមិនជា ដាច់ចិត្តចងកស្លាប់ចោលប្រពន្ធកូន
ខេត្តបាត់ដំបង៖បុរសម្នាក់តូចចិត្តមានជំងឺសសៃប្រសាទព្យាបាលមិនជាបានសម្រេចចិត្តយកខ្សែអង្រឹងចងកសម្លាប់ខ្លួននៅលើដើមស្វាយក្រោយផ្ទះខេត្តបាត់ដំបង ៖ បុរសម្នាក់តូចចិត្ត មានជំងឺសសៃប្រសាទ ព្យាបាលមិនជា បានសម្រេចចិត្ត យកខ្សែអង្រឹងចងកសម្លាប់ខ្លួន នៅលើដើមស្វាយក្រោយផ្ទះ ពេលប្រពន្ធកូនកំពុងដេកលក់ កាលពីវេលាម៉ោង ៣និង៥០ នាទីព្រឹកថ្ងៃទី១០ ខែមករាឆ្នាំ២០១៤ នៅភូមិទួលតាកយ ឃុំបន្សាយត្រែង ស្រុកថ្មគោល ខេត្តបាត់ដំបង រហូតទាល់តែម៉ោង ៦ព្រឹកថ្ងៃដដែល ប្រពន្ធបើកទ្វាផ្ទះ ក៏ប្រទះឃើញសពជនរងគ្រោះ នាំគ្នាជូនអជ្ញាធរ និងសមត្ថកិច្ចឲ្យចុះ ធ្វើកោសល្យវិច័យ បន្ថែមទៀត។
បុរសដែលចងកសម្លាប់ខ្លួន មានឈ្មោះ ព្រំ សាវឿង អាយុ ៥២ឆ្នាំរបរធ្វើស្រែ មានជំងឺសសៃប្រសាទ និងមានប្រពន្ធឈ្មោះ ចាំង សុហ៊ាង អាយុ ៣២ឆ្នាំ មានកូនស្រីចំនួន ៣នាក់ រស់នៅក្នុងភូមិកើតហេតុ។ សមត្ថកិច្ចបាន រកឃើញវត្ថុតាង មានខ្សែអង្រឹងមូល ប្រវែង ២ម៉ែត្រចងជាប់និងក ជនរងគ្រោះលើដើមស្វាយ ផុតពីដីកម្ពស់ជាង ១ម៉ែត្រ។ ឈ្មោះ ចាំង សុហ៊ាង ជាប្រពន្ធសព បានប្រាប់សមត្ថកិច្ចថា ប្តីរបស់គាត់ មានជំងឺសសៃប្រសាទ បានព្យាបាលលេបថ្នាំពេទ្យ ៣ទៅ៤ ឆ្នាំហើយមិនជា។
នៅយប់កើតហេតុ ប្តីកូននិងខ្លួនដេកនៅជុំគ្នា លុះដល់ម៉ោង ៣និង៥០ នាទីព្រឹកថ្ងៃទី១០ ខែមករា ឆ្នាំ២០១៤ ប្តីបានក្រោកពីដេក ហើយគាត់និងកូន ស្មានតែគាត់ងើបបត់ដៃជើង ដូចរាល់ដង ក៏មិនបានចាប់អារម្មណ៍។ លុះភ្លឺឡើងបើកទ្វារកលប់មុខ ក៏ប្រទះឃើញ សពបុរសជាប្តី ចងកលើដើមស្វាយ ស្លាប់បាត់ទៅហើយ ក៏រាយការណ៍ជូនសមត្ថកិច្ចឲ្យចុះ ធ្វើកោសល្យវិច័យបន្ថែមទៀត ដើម្បីអោយអស់ចិត្ត៕ ដោយ សុខជា
Source from: watphnom-news.com
Loading...
Post a Comment