គ្រូស្នេហ៍មានចរិតស្រី ជាប់ចោទពីការលួងលោមក្មេងប្រុសរួមរ័ក របួសប្រដាប់ភេទធ្ងន់ធ្ងរ
ខេត្ដកំពង់ចាម៖សមត្ថកិច្ចនគរបាលបានចាប់ខ្លួនបុរសម្នាក់ជាគ្រូស្នេហ៍មានចរិតស្រីដែលល្បីឈ្មោះខាងធ្វើស្នេហ៍បន្ទាប់ពីបែកធ្លាយរឿងល្បួងក្មេងប្រុសជំទង់ចាប់ពីអាយុខេត្ដកំពង់ចាម ៖ សមត្ថកិច្ចនគរបាល បានចាប់ខ្លួនបុរសម្នាក់ ជាគ្រូស្នេហ៍មានចរិតស្រី ដែលល្បីឈ្មោះខាងធ្វើស្នេហ៍ បន្ទាប់ពីបែកធ្លាយរឿងល្បួង ក្មេងប្រុសជំទង់ចាប់ពីអាយុ ១៥ដល់១៧ ឆ្នាំដើម្បីរួមភេទ និងធ្វើឱ្យក្មេងប្រុសម្នាក់ របួសរន្ធគូថ កាលពីល្ងាចថ្ងៃទី៩ ខែមករា ឆ្នាំ២០១៤ ធ្វើឲ្យមនុស្សជាច្រើន ដែលធ្លាប់មានជំនឿ លើគ្រូស្នេហ៍ម្នាក់នេះ ខកចិត្តយ៉ាងសម្បើម ។
នគរបាលស្រុកព្រៃឈរបានឱ្យដឹងថា គ្រូស្នេហ៍ចរិតស្រី ដែលសមត្ថកិច្ចបានចាប់ខ្លួន មានឈ្មោះ លី វណ្ណនី ភេទប្រុស អាយុ ៣៣ឆ្នាំ មានស្រុកកំណើត នៅភូមិស្ដង់សាខាថ្មី ឃុំអូរម្លូ ស្រុកស្ទឹងត្រង់ ហើយបច្ចុប្បន្នមកស្នាក់នៅ ភូមិព្រីង ៣ដើម ឃុំត្រពាំងព្រះ ស្រុកព្រៃឈរ ខេត្ដកំពង់ចាម។ គ្រូមន្ដអាគមឈ្មោះ លី វណ្ណនីនេះមានរហស្សនាម ជាគ្រូស្នេហ៍គ្រូក្មេង បានមកជួលផ្ទះឈ្មោះ សុង ស្រេង ដើម្បីប្រកបអាជីពជាគ្រូទាយ ចាប់តាំងពីអំឡុងខែតុលា ឆ្នាំ២០១៣ មកម្ល៉េះ ។
រយៈពេលដែលគ្រូស្នេហ៍រូបនេះ ទំនេរពីការទស្សន៍ទាយ តែងប្រមូលនិងលួងលោម ក្មេងប្រុសជំទង់ៗចូលទៅក្នុងបន្ទប់ ហើយបានធ្វើសកម្មភាពរំលោភ ដោយគេសង្ស័យថា មានការចំណាយ លុយកាក់ផងដែរ។ មុនពេលបែកធ្លាយរឿងនេះ មានយុវជនម្នាក់ អាយុប្រហែល ១៦-១៧ ឆ្នាំ រស់នៅភូមិស្លែង ឃុំជ្រៃវៀន ស្រុកព្រៃឈរ ត្រូវបានជនសង្ស័យ លួងលោមឱ្យចូលទៅក្នុងបន្ទប់ ដើម្បីរួមភេទ ដូចក្មេងប្រុសជំទង់មុនៗដែរ ។
ខណៈដែលឈ្មោះ លី វណ្ណនី ចាប់រួមភេទធ្វើឱ្យ ប្រដាប់ភេទក្មេងប្រុសជំទង់រូបនេះ របួសនិងធ្វើឱ្យឪពុកម្ដាយ ក្មេងប្រុសរងគ្រោះជជីកសួរ ឈានដល់ការប្ដឹងចូលទៅ សមត្ថកិច្ច នគរបាលស្រុកព្រៃឈរ ឱ្យនាំខ្លួនគ្រូស្នេហ៍រូបនេះ យកមកសាកសួរ កាលពីថ្ងៃទី៩ ខែមករា ឆ្នាំ២០១៤ ។ ឈ្មោះ លី វណ្ណនី បានសារភាពថា គាត់បានរួមភេទជាមួយ ក្មេងប្រុសៗពិតមែន ហើយចាប់តាំងពីមកធ្វើគ្រូទាយ នៅភូមិកើតហេតុ គឺបានរួមភេទជាមួយក្មេងប្រុស ដល់ទៅ ៩នាក់ឯណោះ៕
Source from: watphnom-news.com
Loading...
Post a Comment