សង្ស័យមានជម្លោះនៅកន្លែងផឹកស៊ី ក្រុមក្មេងស្ទាវតាមកាប់ និស្សិតច្បាប់ម្នាក់របួសធ្ងន់
រាជធានីភ្នំពេញ៖និស្សិតសាកលវិទ្យាល័យភូមិន្ទនីតិសាស្ដ្រនិងវិទ្យាសាស្ដ្រសេដ្ឋកិច្ចម្នាក់បានរងរបួសជាទម្ងន់ដោយសារក្មេងស្ទាវមួយក្រុមដេញកាប់រាជធានីភ្នំពេញ ៖ និស្សិតសាកលវិទ្យាល័យ ភូមិន្ទនីតិសាស្ដ្រ និងវិទ្យាសាស្ដ្រសេដ្ឋកិច្ច ម្នាក់បានរងរបួសជាទម្ងន់ ដោយសារក្មេងស្ទាវ មួយក្រុមដេញកាប់ កាលពីវេលាម៉ោង ៣និង៣០ នាទី រសៀលថ្ងៃទី១០ ខែមករា ឆ្នាំ២០១៤ នៅភូមិបឹងឈូក សង្កាត់និរោធ ខណ្ឌមានជ័យ ត្រូវបានសមត្ថកិច្ច ហៅរថយន្ដដឹកយកទៅ សង្គ្រោះនៅ មន្ទីរពេទ្យរុស្សី ភ្លាមៗ។
ជនរងគ្រោះមានឈ្មោះ សំណាង អាយុ ១៩ឆ្នាំ រស់នៅសង្កាត់ក្បាលកោះ ខណ្ឌមានជ័យ ជិះម៉ូតូម៉ាកគុបតែម្នាក់ឯង តាមបណ្ដោយផ្លូវជាតិលេខ១ លុះមកដល់មុខ បុរីប៉េងហួត ក៏លេចមុខក្រុមក្មេងស្ទាវ មានគ្នាបីបួននាក់ ជិះម៉ូតូម៉ាកសេ១២៥ ពណ៌ខ្មៅ គ្មានស្លាកលេខ ឈប់ហើយទាញដាវសាំម៉ូរ៉ៃ ដេញកាប់ជនរងគ្រោះ មិនដកដៃបណ្ដាលឱ្យ រងរបួសធ្ងន់ បង្កការភ្ញាក់ផ្អើល និងបញ្ជូនជនរងគ្រោះ ទៅកាន់មន្ទីរពេទ្យ។
គេមិនទាន់ដឹងពីមូលហេតុ ដែលនាំឲ្យមាន ការកាប់ចាក់គ្នានេះទេ តែបើតាមមិត្តភក្តិ របស់ជនរងគ្រោះ បានឲ្យដឹងថា មុនពេលកើតហេតុ ជនរងគ្រោះនិងមិត្តភក្តិ នាំគ្នាផឹកស៊ី នៅម្តុំវត្តគៀនស្វាយក្នុង ហើយផឹកបានមួយសន្ទុះ ជនរងគ្រោះបានសុំមកមុន ក៏ត្រូវក្រុមក្មេងស្ទាវ ដេញកាប់ តែម្តង។ មិត្តភក្តិជនរងគ្រោះ បានបន្តទៀតថា ទំនាស់គ្នានេះ អាចបង្កដោយមនុស្សមួយក្រុម ដែលផឹកស៊ីនៅជិតពួកគេ ពីព្រោះពេលដែលកំពុងផឹកស៊ីនោះ មានជម្លាះពាក្យសម្តី ៕
Source from: watphnom-news.com
Loading...
Post a Comment