មកស្រោចទឹកព្យាបាលជំងឺសសៃប្រសាទ នៅវត្តសំរោងធំ បានជាង ១០ថ្ងៃលង់ទឹកស្លាប់
ខេត្តកណ្តាល៖សាកសពស្ត្រីម្នាក់ដែលមានជំងឺសសៃប្រសាទជាង១០ឆ្នាំមកហើយ ត្រូវបានប្រជាពលរដ្ឋប្រទះឃើញស្លាប់ខេត្តកណ្តាល ៖ សាកសពស្ត្រីម្នាក់ ដែលមានជំងឺ សសៃប្រសាទជាង ១០ឆ្នាំមកហើយ ត្រូវបានប្រជាពលរដ្ឋ ប្រទះឃើញស្លាប់ អណ្តែតក្នុងទឹករណ្តៅ ស្ថិតនៅក្នុងភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ខេត្តកណ្តាល កាលពីវេលាម៉ោង៥ល្ងាច ថ្ងៃទី៩ ខែមករា ឆ្នាំ២០១៤ ខណៈដែលសាច់ញាតិ នាំមកស្រោចទឹកព្យាបាល នៅវត្តសំរោងធំ បានជាង ១០ថ្ងៃ ។
ស្ត្រីរងគ្រោះមានឈ្មោះ ឈួន សុខជឿន អាយុ ៤១ឆ្នាំ មានជំងឺសសៃ រស់នៅភូមិវាល ឃុំសំរោង ស្រុកព្រៃឈរ ខេត្តកំពង់ចាម ហើយបានមកព្យាបាល ដោយស្រោចទឹក នៅវត្តសំរោងធំ ឃុំសំរោងធំ ស្រុកកៀនស្វាយ អស់រយៈពេល ១០ថ្ងៃមកហើយ ។ មុនពេលប្រទះឃើញសព កាលពីថ្ងៃទី៦ ខែមករា ឆ្នាំ២០១៤ ស្ត្រីរងគ្រោះបានរត់ចេញ ពីវត្តសំរោងធំ ឡើងមកភ្នំពេញ ហើយសាច់ញាតិ បានតាមរកនិងផ្តិតរូបថត ភ្ជាប់លេខទូរស័ព្ទ សម្រាប់ទំនាក់ទំនង ប្រសិនបើមាន នរណាប្រទះឃើញ។
រហូតមកដល់ល្ងាចថ្ងៃទី៩ ខែមករា សមត្ថកិច្ចបានមកប្រាប់ សាច់ញាតិដែលកំពុង តាមរកស្ត្រីរងគ្រោះថា គេប្រទះឃើញសពស្ត្រីម្នាក់ ស្លាប់ក្នុងទឹករណ្តៅទឹក ទើបសាច់ញាតិទៅ ពិនិត្យ និងឃើញថា ជាសពប្អូនស្រីស្ត្រីរងគ្រោះ។ បន្ទាប់ពីត្រួតពិនិត្យរួច សមត្ថកិច្ចបានឲ្យដឹងថា ស្ត្រីរងគ្រោះពិតជា ស្លាប់ដោយលង់ទឹក ព្រោះមិនឃើញមាន ស្លាកស្នាមអ្វី នៅលើដងខ្លួននោះទេ គួរឲ្យកត់សម្គាល់នោះទេ៕
Source from: watphnom-news.com
Loading...
Post a Comment