កូនចៅលោកឧត្តមសេនីយ៍ វាយដណ្ដើមស្រីពីបុរសម្នាក់ ប៉ងយកទៅរំលោភយ៉ាងព្រហើន
រាជធានីភ្នំពេញ៖សមត្ថកិច្ចនគរបាលខណ្ឌសែនសុខបានចាប់ខ្លួនជនអន្ធពាល២នាក់ដែលធ្វើសកម្មភាពយ៉ាងព្រហើនគំរាមដណ្ដើមស្រីរាជធានីភ្នំពេញ ៖ សមត្ថកិច្ចនគរបាល ខណ្ឌសែនសុខ បានចាប់ខ្លួនជនអន្ធពាល ២នាក់ដែលធ្វើ សកម្មភាពយ៉ាងព្រហើន គំរាមដណ្ដើមស្រី ពីបុរសម្នាក់យកទៅរំលោភ ប៉ុន្តែជនរងគ្រោះ មិនព្រមចុះចាញ់ ក៏ជិះម៉ូតូដេញបុកនិងចាប់វាយបង្កឲ្យមានការភ្ញាក់ផ្អើល ដល់សមត្ថកិច្ចមូលដ្ឋាន មកឃាត់ខ្លួនជាក់ស្តែង កាលពីវេលាម៉ោង ៨យប់ថ្ងៃទី៧ ខែមករា ឆ្នាំ២០១៤ នៅចំណុចផ្លូវណតប្រ៊ីដ កែងផ្លូវលេខ២០០៤ ស្ថិតក្នុងសង្កាត់ទឹកថ្លា ខណ្ឌសែនសុខ ប៉ុន្តែក្រោយមកឮដំណឹងថា មានឧត្តមសេនីយ៍ម្នាក់មករត់ការ ទើបលោកមេប៉ុស្តិ៍ ទឹកថ្លា ដោះលែងក្រោមរូបភាព ធ្វើការអប់រំ។
ជនពាលដែលត្រូវបានចាប់ខ្លួន រួចដោះលែងនោះ ទី១-ឈ្មោះ ខាំ បឺរ អាយុ ២២ឆ្នាំ បើកឡានដឹកទំនិញ ឲ្យលោកឧត្តមសេនីយ៍ ម្នាក់ឈ្មោះ ម៉ៅ ស្នាក់នៅក្នុងការ៉ាស់ ឡានដឹកទំនិញ និងទី២- ឈ្មោះ ម៉ៅ សុធី អាយុ ២៣ឆ្នាំ ជាអ្នកបើកបរម៉ូតូ ធ្វើសកម្មភាព ស្នាក់នៅភូមិអូរបែកក្អម ក្នុងសង្កាត់ទឹកថ្លា ខណ្ឌសែនសុខ។ ជនរងគ្រោះមានឈ្មោះ បញ្ញា ភេទប្រុស អាយុ ២២ឆ្នាំ បាននិយាយថា នៅមុនពេលកើតហេតុ ខ្លួនបានជិះម៉ូតូម៉ាកគុបជ្រុង ដឹកប្អូនស្រី ២នាក់តាមបណ្តោយ ផ្លូវណតប្រ៊ីដ ក្នុងទិសដៅ ពីត្បូងទៅជើង លុះមកដល់ចំណុចកើតហេតុ ក៏ស្រាប់តែលេចមុខជនពាលទាំង ២នាក់ ជិះម៉ូតូម៉ាកស្មាស ពណ៌ខ្មៅ ពាក់ស្លាកលេខ កណ្តាល 1N-4101 មកពីក្រោយវាយទះកំប៉េះគូថប្អូនស្រីរបស់ខ្លួន រួចនិយាយគំរាមយកស្រីម្នាក់ ឲ្យមកជិះម៉ូតូរបស់គេ។
ប៉ុន្តែជនរងគ្រោះមិនព្រម ដោយប្រាប់ថា នាងៗជាប្អូនស្រីខ្ញុំទេ ពេលនោះជនពាល បានជិះម៉ូតូបំបុកកៀរឲ្យដួល រួចចាប់វាយជនរងគ្រោះ កើតទៅជារឿងប្រតាយប្រតប់គ្នា ទើបប៉ូលិសមូលដ្ឋាន ឃាត់ខ្លួន នាំមកប៉ុស្តិ៍ទឹកថ្លា។ ប៉ុន្មានម៉ោងក្រោយមក ក៏ត្រូវបានគេដោះលែង ជនពាលទាំងនោះ នៅត្រឹមប៉ុស្តិ៍ ដែលតាមព័ត៌មាន គឺឧត្តមសេនីយ៍ឈ្មោះ ម៉ៅ បានទំនាក់ទំនងផ្តល់សេវា ឲ្យដោះលែងផងដែរ គឺលោកនាយប៉ុស្តិ៍ មិនបានចាត់ការ តាមផ្លូវច្បាប់នោះទេ៕
Source from: watphnom-news.com
Loading...
Post a Comment