ស្ត្រីចំណាស់ដេកស្លាប់ ក្នុងផ្ទះតៀមអាក្រាតកាយតែម្នាក់ឯង សាច់ញាតិសង្ស័យឃាតកម្ម
ខេត្តកំពង់ស្ពឺ៖ស្ដ្រីវ័យចំណាស់អាយុ៦៧ឆ្នាំម្នាក់ត្រូវបានក្មួយស្រីបង្កើតប្រទះឃើញដេកស្លាប់ក្នុងបន្ទប់ផ្ទះតៀមកាលពីវេលាម៉ោងខេត្តកំពង់ស្ពឺ ៖ ស្ដ្រីវ័យចំណាស់អាយុ ៦៧ឆ្នាំម្នាក់ ត្រូវបានក្មួយស្រីបង្កើត ប្រទះឃើញដេកស្លាប់ ក្នុងបន្ទប់ផ្ទះតៀម កាលពីវេលាម៉ោង ៧និង២០ នាទីយប់ថ្ងៃទី១៣ ខែមីនា ឆ្នាំ២០១៤ ស្ថិតនៅភូមិត្រពាំងខ្យង ឃុំត្រពាំងគង ស្រុកសំរោងទងខេត្ដកំពង់ស្ពឺ ដោយសាច់ញាតិសង្ស័យថា ជាអំពើឃាតកម្ម រំលោភហើយសម្លាប់ ប៉ុន្ដែសមត្ថកិច្ចបានអះអាងថា មិនមែនជាអំពើឃាតកម្មនោះទេ គឺស្លាប់ដោយសារ ជំងឺលើសឈាម ព្រោះមុនពេលស្លាប់ ជនរងគ្រោះបានប្រកាច់។
ស្ត្រីរងគ្រោះមានឈ្មោះ អ៊ុយ ឆំ អាយុ ៦៧ ឆ្នាំ រស់នៅក្នុងភូមិឃុំកើតហេតុ បានដេកស្លាប់នៅក្នុងបន្ទប់លើផ្ទះតែម្នាក់ឯង ដោយឃើញស្រាតខោខ្លី មកត្រឹមក្បាលជង្គង់ ហើយដងខ្លួនមានលក្ខណៈននលគោក ខណៈដែលក្មួយស្រី ត្រឡប់មកពីមើលគេរាំវង់ នៅក្នុងភូមិ ។ ភ្លាមៗនោះក្មួយស្រីជនរងគ្រោះ បានរត់ទៅប្រាប់លោក ឡុង ប៊ុន ដែលជាមេភូមិ ដើម្បីទាក់ទងទៅសមត្ថកិច្ចមូលដ្ឋាន ឲ្យចុះទៅពិនិត្យ ដល់កន្លែងកើតហេតុ ។
ក្រោយពីធ្វើកោសល្យវិច័យរួច មន្ដ្រីនគរបាលបច្ចេកទេស បាននិយាយថា ការស្លាប់របស់ជនរងគ្រោះ បណ្ដាលមកពីជំងឺលើសឈាម ហើយមុនពេលដែលស្លាប់ ជនរងគ្រោះមានអាការៈ ប្រកាច់ និងម្យ៉ាងវិញទៀត ពេលពិនិត្យទៅ ពុំមានស្លាកស្នាមណាមួយបញ្ជាក់ថា ជាករណី រំលោភ ហើយធ្វើឃាតនោះឡើយ ។ បន្ទាប់ពីពិនិត្យរួច សពស្ដ្រីរងគ្រោះ ត្រូវបានសមត្ថកិច្ចប្រគល់ឱ្យទៅ ក្រុមគ្រួសារយកទៅធ្វើបុណ្យ តាមប្រពៃណី៕
Source from: watphnom-news.com
Loading...
Post a Comment