ក្រណាស់ម្ចាស់ថ្លៃគ្មានលុយព្យាបាលជម្ងឺ ដេកគាំងបេះដូងស្លាប់ ចោលកូនប្រុសស្រី ៥នាក់
រាជធានីភ្នំពេញ៖ស្ដ្រីម្នាក់បានគាំងបេះដូងស្លាប់នៅក្នុងបន្ទប់ផ្ទះជួលបង្កឲ្យមានការភ្ញាក់ផ្អើលដល់បងប្អូនសាច់ញាតិនិងប្រជាពលរដ្ឋនៅក្បែរខាងទៅចោមរោមមើលនិងរាយការណ៍ប្រាប់សមត្ថកិច្ចរាជធានីភ្នំពេញ ៖ ស្ដ្រីម្នាក់បានគាំងបេះដូងស្លាប់ នៅក្នុងបន្ទប់ផ្ទះជួល បង្កឲ្យមានការភ្ញាក់ផ្អើល ដល់បងប្អូនសាច់ញាតិ និងប្រជាពលរដ្ឋ នៅក្បែរខាងទៅចោមរោមមើល និងរាយការណ៍ប្រាប់សមត្ថកិច្ច ឲ្យចុះទៅត្រួតពិនិត្យ កាលពីវេលាម៉ោង ១០និង៣០ នាទីព្រឹកថ្ងៃទី១៤ ខែមីនា ឆ្នាំ២០១៤ នៅក្នុងភូមិតាងួន សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។
ស្ត្រីរងគ្រោះមានឈ្មោះ លី ឡា អាយុ ៤១ឆ្នាំ មុខរបរមេផ្ទះ ស្នាក់នៅបន្ទប់ជួល ក្នុងភូមិ សង្កាត់ កើតហេតុ មានប្ដីឈ្មោះ ហួង ចិត្រ អាយុជាង ៤០ឆ្នាំ មុខរបរកម្មករសំណង់ មានកូន ៥នាក់ ស្រី ៣ នាក់ និងប្រុស ២ នាក់ ។ មុនពេលកើតហេតុ ក្មួយស្ដ្រីរងគ្រោះ មកពីពេជ្រនិល បាននាំកូនស្ដ្រីរងគ្រោះ មកលេងជាមួយម្ដាយ ស្រាប់តែប្រទះឃើញស្ដ្រីរងគ្រោះ គាំងបេះដូងស្លាប់ មិនដឹងតាំងពីពេលណាមកទេ ហើយសាច់ញាតិជនរងគ្រោះ មិនអស់ចិត្ដក៏ដឹកជនរងគ្រោះ ទៅកាន់មន្ទីរពេទ្យ បង្អែកពោធិ៍ចិនតុង តែត្រូវគ្រូពេទ្យប្រាប់ថា ជនរងគ្រោះបានស្លាប់បាត់ទៅហើយ។
សមត្ថកិច្ចមូលដ្ឋាន បានចុះទៅពិនិត្យ និងធ្វើកោសល្យវិច័យ ហើយសន្និដ្ឋានថា ជនរងគ្រោះពិតជាស្លាប់ ដោយសារជំងឺគាំងបេះដូង ប្រាកដមែន មិនមានជាប់ពាក់ព័ន្ធ នឹងករណីផ្សេងណាមួយឡើយ ។ ដោយឡែកប្តី ស្ត្រីរងគ្រោះឱ្យដឹងថា មុនពេលប្រពន្ធរបស់គាត់ស្លាប់ ២-៣ថ្ងៃមកហើយ ប្រពន្ធរបស់គាត់ ចេះតែត្អូញត្អែរថា អស់កម្លាំង មានអារម្មណ៍ធុញថប់ ហើយនៅ ព្រឹកកើតហេតុ គាត់បានចេញទៅធ្វើសំណង់ដូចសព្វដង ក៏ត្រូវប្អូនប្រាប់ថា ប្រពន្ធគាត់បានស្លាប់បាត់ទៅហើយ៕
Source from: watphnom-news.com
Loading...
Post a Comment