ប្រើពូថៅនិងដំបង កាប់ចាក់គ្នាក្នងពិធីឡើងផ្ទះ បន្សល់ទុកសពយុវជនម្នាក់ ក្នុងថ្លុកឈាម
ខេត្តកំពង់ឆ្នាំង៖ក្មេងស្ទាវ២ក្រុមដែលម្ខាងមានគ្នាជាង១០នាក់បានឈ្លោះទាស់ទែងពាក្យសំដីរហូតដល់ដេញវាយនិងកាប់ចាក់គ្នា រត់ប្រសេចប្រសាចខេត្តកំពង់ឆ្នាំង ៖ ក្មេងស្ទាវ ២ក្រុម ដែលម្ខាងមានគ្នាជាង ១០នាក់ បានឈ្លោះទាស់ទែងពាក្យសំដី រហូតដល់ដេញវាយនិងកាប់ចាក់គ្នា រត់ប្រសេចប្រសាច នៅក្នុងពិធីរាំវង់ ចាក់ធុងបាស់ឡើងគេហដ្ឋានថ្មី បង្កឱ្យមានការភ្ញាក់ផ្អើល ក្លាយជាសោកនាដកម្ម ហើយម្នាក់ៗបាននាំគ្នា បានទៅមើល យុវជនម្នាក់ដេកស្លាប់ក្នុងថ្លុកឈាម ដោយសារតែដៃគូទំនាស់ កាប់និងពូថៅ វាយនឹងដំបងលើខ្លួនប្រាណ រងរបួសសុះសាច់ កាលពីយប់ថ្ងៃទី៨ ខែមេសា ឆ្នាំ២០១៤ ស្ថិតនៅភូមិសេរី ឃុំខុនរ៉ង ស្រុកបរិបូរណ៍ ខេត្ដកំពង់ឆ្នាំង ។
ក្រោយពេលកើតហេតុ សមត្ថកិច្ចមិនបានចាប់ខ្លួន ជនបង្កណាម្នាក់នោះឡើយ បើទោះបីជាលទ្ធផលនៃ ការវាយកាប់ចាក់គ្នានេះ បណ្ដាលឱ្យស្លាប់ម្នាក់ និងរបួសជាច្រើននាក់ក៏ដោយ។មុនពេលកើតហេតុ ប្រជាពលរដ្ឋរស់នៅក្នុងភូមិសេរី លោក ភួង ហ៊ិន បានរៀបចំពិធីឡើងគេហដ្ឋានថ្មី យប់ឡើងមានជួលធុងបាស់ ចាក់រាំលេងកំសាន្ដ ដើម្បីឱ្យភ្ញៀវចូលរួមបានសប្បាយរីករាយ។ ប៉ុន្ដែនៅពេលដែល ក្រុមភ្ញៀវកំពុងតែរាំច្រៀង យ៉ាងសប្បាយនោះ ស្រាប់តែក្មេងស្ទាវ ២ក្រុម ដេញវាយនិងកាប់ចាក់គ្នា ដោយពូថៅ កាំបិតនិងដំបង បណ្តាលឲ្យស្លាប់និងរងរបួស។
ជនរងគ្រោះដែលស្លាប់ ក្នុងជម្លោះហិង្សានេះ មានឈ្មោះ លន់ ឈួន អាយុ ២៦ឆ្នាំ រស់នៅភូមិដើមជ្រៃ ឃុំខុនរ៉ង ដោយឡែកអ្នករងរបួសម្នាក់ទៀត មិនទាន់មានការបញ្ជាក់ ពីអត្ដសញ្ញាណពីសមត្ថកិច្ចនៅឡើយទេ ។ ក្រោយមានអំពើហិង្សា ដេញវាយនិងកាប់ចាក់គ្នា គេឃើញកម្លាំងសមត្ថកិច្ច ចុះទៅជួយអន្ដរាគមន៍ ប៉ុន្ដែជនដៃដល់ និងខាងភាគីជនរងគ្រោះ បានរត់គេចខ្លួនអស់ នៅសល់តែសពជនរងគ្រោះដេកស្លាប់ក្នុងថ្លុកឈាម។ បច្ចុប្បន្នសពជនរងគ្រោះ ត្រូវបានសមត្ថកិច្ចប្រគល់ជូន ក្រុមគ្រួសារយកទៅធ្វើបុណ្យ តាមប្រពៃណី រីឯជនបង្ក សមត្ថកិច្ចបាននឹងកំពុងតាមចាប់ខ្លួន៕
Source from: watphnom-news.com
Loading...
Post a Comment