ចូល​ប្លន់​ផ្ទះ​អ្នកលក់​សាច់​ឆ្កែ ប្រតាយប្រតប់​ឈានដល់​ការបាញ់រះ ស្លាប់ ២​នាក់​របួសធ្ងន់​ម្នាក់​

Daily News, In Khmer, sex, Sexy, Social News

5/24/2014 02:00:00 PM

ចូលប្លន់ផ្ទះអ្នកលក់សាច់ឆ្កែ ប្រតាយប្រតប់ឈានដល់ការបាញ់រះ ស្លាប់ ២នាក់របួសធ្ងន់ម្នាក់

ខេត្តបាត់ដំបង៖ក្រុមចោរបានចូលប្លន់បាញ់រះនៅកន្លែងលក់សាច់ឆ្កែកាលពីវេលាម៉ោង៩និង៣០នាទីយប់ថ្ងៃទី២៣ខែឧសភា

ខេត្តបាត់ដំបង ៖ ក្រុមចោរបានចូលប្លន់បាញ់រះ នៅកន្លែងលក់សាច់ឆ្កែ កាលពីវេលាម៉ោង ៩និង៣០ នាទីយប់ ថ្ងៃទី២៣ ខែឧសភា ឆ្នាំ២០១៤ ស្ថិតក្នុងភូមិកកោះ ឃុំកកោះ ស្រុកមោងឫស្សី ខេត្តបាត់ដំបង បណ្តាលឲ្យមនុស្ស ២នាក់ បានស្លាប់ និងម្នាក់ទៀត រងរបួសធ្ងន់ហើយជនសង្ស័យ ធ្លាប់ធ្វើសកម្មភាប្លន់ នៅស្រុកមោងឬស្សី និងនៅស្រុករុក្ខគិរី ដែលសមត្ថកិច្ចនគរបាលកំពុងប្រមាញ់ ស្វែងរកឃាត់ខ្លួន យកមកផ្តន្ទាទោសតាមច្បាប់។

សាក្សីបានឲ្យដឹងថា ជនសង្ស័យមានគ្នា ២នាក់ កាំភ្លើង ២ដើម អាកា ១ដើម និងខ្លី ១ដើម និងម៉ូតូសំរាប់ ធ្វើសកម្មភាព ១គ្រឿង។ សាក្សីនៅបានឲ្យដឹងថា មុនពេលកើតហេតុ គេបានឃើញជនសង្ស័យ ២នាក់ ប្រដាប់ដោយអាវុធ បានភ្ជង់ទៅលើស្ត្រីម្ចាស់ផ្ទះ ខណៈរៀបចំបិទកន្លែងលក់ ហើយបានគំរាមប្រមូលយកទ្រព្យសម្បត្តិ ប៉ុន្តែដោយមានការប្រតាយប្រតប់ ធ្វើឲ្យជនសង្ស័យបាញ់រះតែម្តង។

លោក ឡាច ប្រុស នាយអាវុធហត្ថ ការិយាល័យស្រាវជ្រាវបទល្មើស បានឲ្យដឹងថា បុរសរងគ្រោះ ត្រូវគ្រាប់កាំភ្លើង ស្លាប់ទី១-ឈ្មោះ សឿម ចាន់នី អាយុ ២២ឆ្នាំ ជាសន្តិសុខអង្គការ និងជាកូនម្ចាស់ផ្ទះ ត្រូវពោះទឹក ២គ្រាប់ ដៃសងខាង ២គ្រាប់ គល់ក ១គ្រាប់។ ទី២-ឈ្មោះ ភឿន ភារី ហៅវ៉ាក់ អាយុ ៣០ឆ្នាំ ជាគ្រូបង្រៀននៅសាលាកកោះ ត្រូវគ្រាប់ទ្រូង ១គ្រាប់ ក ១គ្រាប់ភ្លៅ ១គ្រាប់ និងមានទីលំនៅ ក្នុងភូមិរហាលសួង ឃុំព្រែកនរិន្ទ ស្រុកឯកភ្នំ ខេត្តបាត់ដំបង។

ដោយឡែកស្ត្រីដែលរងរបួសធ្ងន់ មានឈ្មោះ សឿម សុផល្លី អាយុ ២៥ឆ្នាំ ជាកូនម្ចាស់ផ្ទះត្រូវពោះទឹក ១គ្រាប់ កំពុងសំរាកព្យាបាលនៅមន្ទីពេទ្យ។ សម្ភារៈបាត់បង់ មានលុយ ៤០ម៉ឺនរៀល ខ្សែកមាស ១ខ្សែ ទំងន់ ៣ជី និងចិញ្ចៀនប្លាទីន១ វង់ ហើយវត្ថុតាង សមត្ថកិច្ចរើសបាន សំបកគ្រាប់កាំភ្លើង ប្រភេទអាកាចំនួន ១០គ្រាប់ នៅមុខផ្ទះកើតហេតុ។

ឈ្មោះ ឃុន ស្រី អាយុ ៤៧ឆ្នាំ ជាម្ចាស់ផ្ទះ បានប្រាប់សមត្ថកិច្ចថា មុនពេលកើតហេតុម៉ោងជាង ៩យប់ រៀបចំបិទហាង មានបុរស ២នាក់ ម្នាក់ពាក់ម៉ាស់ស្លៀកខោខ្លី ពាក់មួកខ្មៅវ័ណ្ឌលឿង ដូចមួកអាវុធហត្ថ ឬមួកយោធាឈុតខ្មៅ និងម្នាក់ទៀត ពាក់មួកសុវត្ថិភាព ចូលមកប្រដាប់ដោយកាំភ្លើងខ្លី ១ដើមវែង១ ដើមភ្ជង់ លើកូនស្រីខ្លួនឈ្មោះ សឿម ចាន់ណា អាយុ ២០ឆ្នាំ និងឈ្មោះ សឿម សុភាព អាយុ ២៣ឆ្នាំ ពួកនាងកំពុងធ្វើម្ហូប នៅមុខផ្ទះអោយដោះខ្សែក ហើយប្រតាយគ្នាតែម្តង។

បន្ទាប់មកជនសង្ស័យ បានដើរចូលក្នុងផ្ទះ បាញ់កូនស្រីឈ្មោះ សឿម សុផល្លី អាយុ ២៥ឆ្នាំ ត្រូវ ១គ្រាប់ធ្លាយពោះ និងភ្ជង់ខ្លួនជាម្តាយ គំរាមអោយយកប្រាក់ ឲ្យវាទាំងអស់។ ពេលនោះខ្លួនបានយកលុយ ៤០ម៉ឺនរៀល ខ្សែកមាស ១ខ្សែ ទំងន់ ៣ជី និងចិញ្ចៀនប្លាទីន ១វង់ អោយទៅពួកវា បន្ទាប់មកក្រុមជនសង្ស័យដើរចេញពីផ្ទះ ត្រូវកូនប្រុសឈ្មោះ សឿម ចាន់នី និងលោកគ្រូឈ្មោះ ភឿន ភារី ហៅវ៉ាក់ ស្ទាក់កាក់ក៏ត្រូវក្រុមចោរបាញ់រះ បណ្តាលអោយស្លាប់ទាំង ២នាក់ តែម្តងហើយពួកវា ឡើងម៉ូតូ ១គ្រឿង តាមផ្លូវជាតិលេខ៥ ឆ្ពោះសំដៅទៅទិសខាងកើត បាត់ស្រមោលតែម្តង៕